કચ્છ: ભુજ ખાતે પોલીસકર્મીનો વીડિયો સામે આવ્યો છે. નશામાં ધુત પોલીસ કર્મચારીને 1 શખ્સે માર માર્યો હતો. ભુજની શક્તિ હોટલ નજીક રાતે આ બનાવ બન્યો હતો. પોલીસ પર દારૂ પીધો હોવાનો આક્ષેપ કરવામાં આવ્યો હતો. અન્ય એક પોલીસ કર્મી મુકપ્રેક્ષક બની બનાવ જોઇ રહ્યો છે.
આ ઘટના વીડિયો સોશિયલ મીડિયામાં વાયરલ થયો છે. જેમાં પોલીસ કર્મચારી નશામાં ધુત છે. પોલીસ કર્મચારી સાથે અન્ય એક પોલીસ કર્મચારી પણ જોવા મળે છે.
મહત્વનું છે કે છેલ્લા ઘણા સમયથી ભુજ પોલીસ પર વિવાદ ચાલી રહ્યા છે. સ્થાનિક પબ્લિક દ્વારા અપશબ્દો બોલાયા હતા. લોકો દ્વારા આક્ષેપો થઇ રહ્યા છે કે રક્ષક જ આવું કરશે તો રક્ષા કોણ કરશે. કચ્છમાં ગુનેગારોનું પ્રમાણ વધી રહ્યું છે. ત્યારે આવા બનાવથી ગુનેગારો બેખોફ બન્યા છે. વીડિયો વાયરલ થતા ઉચ્ચ અધિકારીઓને તપાસના આદેશ અપાયા છે.