બોલીવુડના લોકપ્રિય અભિનેતા ધર્મેન્દ્ર આજે પણ એટલી જ લોકપ્રિયતા ધરાવે છે. હાલ તેમણે શેર કરેલા વીડિઓમાં તેઓ ફિલ્મ જગતથી દૂર પોતાના ફાર્મ હાઉસમાં પોતાની લાઈફ વિતાવી રહ્યા છે.
બૉલીવુડના દિગ્ગ્જ અભિનેતા ધર્મેન્દ્ર આજકાળ ફિલ્મ જગતથી દૂર પોતાના ફાર્મહાઉસમાં સમય પસાર કરે છે. તેઓ થોડા થોડા સમયે તેમના ફાર્મહાઉસના વીડિઓઝ તેમના ફેન્સ સાથે શૅર કરે છે.
તેમણે ફરી એક વાર પોતાના ઇન્સ્ટાગ્રામના એકાઉન્ટમાં એક વીડિયો શૅર કર્યો છે જે ચાહકોને ખૂબ પસંદ આવી રહ્યો છે. ધર્મેન્દ્ર આ વીડિઓમાં ફેન્સને પોતાનો બંગલો બતાવી રહ્યા છે. સાથે જ તેઓ મેથીના પરાઠાની મજા માણી રહ્યા છે. આ વીડિઓ ઉપર ચાહકોએ ઘણી કૉમેન્ટ્સ કરી છે અને ધર્મેન્દ્રની લાઇફસ્ટાઇલની પ્રશંસા થઇ રહી છે.
ધર્મેન્દ્રના આ વીડિઓને 55 હજારથી વ્યૂઝ મળી ચુક્યા છે. આ વીડિઓને શેર કરવાની સાથે સાથે તેમણે લખ્યું છે કે "આ તમામ વસ્તુઓ તેણે આપી છે જે એક દિવસ ચૂપચાપ આ બધું પાછું લઇ લેશે. આ જિંદગી ખૂબ સુંદર છે, એને મન ભરીને જીવો, લવ યુ, ખુશ રહો."
આ વીડિઓ ઉપર ધર્મેન્દ્રના એક ચાહકે કોમેન્ટ કરતા જણાવ્યું છે કે જીવન કેવી રીતે જીવવું જોઈએ, એક સારા વ્યક્તિ કેવી રીતે બનવું જોઈએ અને લોકોના દિલમાં પોતાની જગ્યા કેવી રીતે બનાવવી જોઈએ તેવું તેણે ધર્મેન્દ્ર પાજી પાસેથી શીખ્યું છે.
નોંધનીય છે કે બૉલીવુડના "હીમેન" ધર્મેન્દ્રનું સાચું નામ ધરમસિંઘ દેઓલ છે. તેમણે તેમનું બાળપણ સાહનેવાલમાં વિતાવ્યું હતું. તેમના પિતા સ્કૂલના હેડમાસ્ટર હતા. ધર્મેન્દ્રએ અર્જુન હિંગોરાનીની ફિલ્મ દિલ ભી તેરા હમ ભી તેરે સાથે 1960માં બૉલીવુડમાં ડેબ્યુ કર્યું હતું. 1970ના દશકમાં ધર્મેન્દ્રને વિશ્વના સૌથી હેન્ડસમ પુરુષોમાં સ્થાન મેળવ્યું હતું. ધર્મેન્દ્રને વર્લ્ડ આયરન મેન એવોર્ડથી પણ સન્માનિત કરવામાં આવ્યા છે. તેમણે સત્યકામ, ખામોશી, શોલે, ક્રોધી, યાદો કી બારાત જેવી યાદગાર ફિલ્મોંમાં કામ કર્યું છે.