આ ચાવાળાની દુકાને મોટી સંખ્યામાં ગ્રાહકો આવે છે જેઓ અહીં ચાની ચૂસ્કી તો લે છે પણ સાથે સેલ્ફી પણ ખેંચે છે. પરંતુ એવું શું કારણ હતું કે આ ભાઈને ચાની દુકાનનુ નામ બેવફા ચાવાળા રાખવું પડ્યું.
બેવફા ચાવાળો છે ચર્ચામાં
મધ્યપ્રદેશના બૈતુલનો બેવફા ચાવાળો
પ્રેમમાં નિષ્ફળતાથી ન થયો નાસીપાસ
પ્રેમિકાની યાદમાં ખોલી ચાની દુકાન
`ચાય પે ચર્ચા' કરી લોકો પડાવે છે સેલ્ફી
યુવાનો હંમેશા પ્રેમમાં દગો ખાઈને ખોટાં પગલાં ઊઠાવતાં હોય છે.પરંતુ મધ્યપ્રદેશના એક યુવકે પ્રેમમાં દગો ખાઈને નવો આઈડિયા અપનાવ્યો. પ્રેમિકા ભલે તેને છોડીને જતી રહી પરંતુ તેની યાદમાં તેણે એક ચાની દુકાન ખોલી અને આ ચાની દુકાનનુ નામ રાખ્યુ બેવફા ચાવાળો. આ ચાની દુકાને આવનારા લોકો ચાવાળાની પ્રેમકહાની સાંભળે છે અને તેની સાથે સેલ્ફી પણ
બેવફા ચા વાળો આજુબાજુના વિસ્તારમાં ખૂબ જાણીતો
આ બેવફા ચાવાળાની દુકાન છે. મધ્યપ્રદેશના બૈતુલના એક ગામમાં આ દુકાન આવેલી છે. બેવફા ચા વાળો આજુબાજુના વિસ્તારમાં ખૂબ જાણીતો છે અને તેનું કારણ તેની ચાની દુકાનનું નામ. આ ચાવાળાની દુકાને મોટી સંખ્યામાં ગ્રાહકો આવે છે જેઓ અહીં ચાની ચૂસ્કી તો લે છે પણ સાથે સેલ્ફી પણ ખેંચે છે. પરંતુ એવું શું કારણ હતું કે આ ભાઈને ચાની દુકાનનુ નામ બેવફા ચાવાળા રાખવું પડ્યું.
6 વર્ષની લવસ્ટોરી પૂરી ન થઈ શકી
આની પાછળ ચાવાળાની પ્રેમ કહાની છે. દુકાનના માલિક મંગલભાઈને એક યુવતી સાથે પ્રેમ હતો અને બંનેની લવસ્ટોરી લગભગ 6 વર્ષ સુધી ચાલી. પરંતુ જ્યારે મંગલે યુવતીને લગ્નની વાત કરી ત્યારે યુવતી ફરી ગઈ, બસ આ જ કારણોસર મંગલે તેની ચાની દુકાનનું નામ બેવફા ચાયવાલા એવું રાખી દીધું. આ ચાની દુકાને મોટી સંખ્યામાં ગ્રાહકો આવે છે. ગ્રાહકોમાં યુવાનોની સંખ્યા વધારે હોય છે. લોકો ચા તો પીવે છે પણ સાથે સાથે દુકાનના બોર્ડ સાથે સેલ્ફી પણ લે છે અને સોશિયલ મીડિયામાં પોસ્ટ કરે છે. ચાવાળાની પ્રેમકહાની અહીં આવનારા સૌ કોઈ જાણે છે.
યુવાનો હંમેશા પ્રેમમાં દગો ખાઈને ખોટાં પગલાં ઊઠાવતાં હોય છે પરંતુ મંગલે આવું કંઈ ન કર્યું તેને પ્રેમમાં દગો મળ્યો તો તેમાંથી બિઝનેસ આઈડિયા બનાવી લીધો. પ્રેમમાં વિરહ મેળવ્યા પછી મંગલે પોતાની જિંદગી જ બદલી નાખી.