છત્તીસગઢ / "તમે મારા સિનિયર પોલીસ અધિકારી હશો પરંતુ અત્યારે તમે અપરાધી છો, ચાલો સહી કરો"

છત્તીસગઢમાં કટઘોરા ક્ષેત્રમાં બાંકીમોગરામાં એક વાંસના જંગલમાં વાંસ કાપવા મુદ્દે રેન્જર અને બીટ ગાર્ડ વચ્ચે જોરદાર વિવાદ થઇ ગયો હતો. પોતાના જ અધિકારીને બીટ ગાર્ડે ખૂબ ઠપકો આપ્યો હતો અને એટલા સુધી કહી દીધું હતું લે તેમના ખભે 3 સ્ટાર લાગેલા હોવા છતાં તેમને નિયમોની જાણકારી નથી. આ પછી બીટ ગાર્ડે રેન્જર સહિત 11 મજૂરો સામે ફરિયાદ દાખલ કરી હતી અને વન અધિનિયમ અંતર્ગત કેસ નોંધ્યો હતો.

कोरबा में बीट गार्ड ने बांस की अवैध कटाई के मामले में रेंजर और डिप्टी रेंजर के खिलाफ केस दर्ज किया,बोला आप अधिकारी होंगे पर यहां बांस काटने के अपराधी हो, मैं मामला दर्ज करके रहूंगा @Someshpatel00 @ParveenKaswan @susantananda3 @bhupeshbaghel @SunitaYadavGuj @GargiRawat pic.twitter.com/jR6UdKaMOA

— Anurag Dwary (@Anurag_Dwary) July 18, 2020

મારી જાણ વગર વાંસની કાપણી કેવી રીતે કરવામાં આવી?: બીટ ગાર્ડ શેખર

આ અગાઉ બીટ ગાર્ડે બંને અધિકારીઓને સહી કરવા બોલાવ્યા હતા પરંતુ બંને અધિકારીઓએ આનાકાની કરી હતી. આ અંગે બીટ ગાર્ડે કહ્યું, 'તમે અધિકારી હશો, અહીં તમે વાંસ કાપવાના આરોપી છો અને હું એ મુજબ કેસ નોંધીશ. મળતી માહિતી મુજબ શુક્રવારે જંગલમાં વાંસના ગેરકાયદેસર કાપવાના કેસમાં બીટ ગાર્ડ શેખર રાત્રેએ રેન્જરને કડક સ્વરમાં કહ્યું, 'હું આ બીટનો પ્રભારી છું. મારી જાણ વગર વાંસની કાપણી કેવી રીતે કરવામાં આવી? તમે ત્રણ સ્ટાર લગાઓ છો અને તમને નિયમો ખબર નથી! તમે નિયમો જાણો છો કે નહીં કે રિઝર્વ ફોરેસ્ટ એરિયામાં વાંસની કાપણી ગેરકાયદેસર છે.

પંચનામું બનાવીને આરક્ષિત જંગલ કલમ 26/1 હેઠળ કાર્યવાહી કરી

એવું કહેવામાં આવી રહ્યું છે કે અહીં રેંજર દ્વારા ગેરકાયદેસર કાપણી કરવામાં આવી રહી હતી. શેખરે કહ્યું, 'પંચનામું બનાવીને મેં આરક્ષિત જંગલ કલમ 26/1 હેઠળ કાર્યવાહી કરી છે. 52મી કલમ હેઠળ વાંસ કબજે કરાઈ છે. વનરક્ષક રામકુમાર યાદવે કહ્યું કે રેન્જરના આદેશથી વાંસની કાપણી કરવામાં આવી રહી હતી. જ્યારે બીટ ગાર્ડને જાણકારી મળી ત્યારે તેઓએ સ્થળે પહોંચીને જપ્ત કરવાની કાર્યવહી શરુ કરીને પંચનામું બનાવ્યું. આ મુદ્દે હંગામો મચી જતા રેન્જર મૃત્યુંજય શર્મા પણ ત્યાં પહોંચી ગયા હતા. તેમણે વાંસની કાપણી મુદ્દે કહ્યું હતું કે તેમની પાસે આના કોઈ દસ્તાવેજ નથી પરંતુ ડિપાર્ટમેન્ટના કહેવાથી આ કાપણી થઇ રહી છે. સમિતિના માધ્યમથી આ કરાવવામાં આવી રહ્યું છે તેઓ તેમનો દાવો હતો પણ એવો કોઈ આદેશ આપવામાં આવ્યો નહોતો.