લોકોના રક્ષકોએ જ ગુનેગારો પાસેથી પડાવ્યાનો વીડિયો સામે આવતા સવાલો ઉઠી રહ્યા છે. વીડિયોમાં બાપુનગર પોલીસ અને આરોપીઓ હથકડી પહેરી પૈસા ગણી રહ્યા છે. ત્યારે આ મામલે સેક્ટર-2ના JCP ગૌતમ પરમારે મહત્વનું નિવેદન આપ્યું. તેઓએ કહ્યું કે વીડિયો મારી પાસે નથી આવ્યો.
JCP ગૌતમ પરમારે આપ્યું નિવેદન
તેમણે વધુમાં જણાવ્યું હતું કે, બાપુનગરમાં 2 મહિના પહેલા ફાયરિંગની ઘટના બની હતી. ત્યારે તપાસ માટે પોલીસ સહઆરોપીને લઈ ગઈ હતી. અને તેના ડ્રોવરમાંથી 5 લાખ મળ્યા હતા. પોલીસે તે નાણા રીકવરીમાં નહોતા બતાવ્યા અને નાણા આરોપીના પરિવારને પરત આપ્યા હતા.
હાલ પોલીસ પાસે કોઈપણ પ્રકારનો વીડિયો નથી આવ્યો. ઝોન-5ને આ મામલે તપાસ સોંપવામાં આવી છે. ત્યારે શું બાપુનગર પોલીસ આ રીતે કરશે જનતાનું રક્ષણ?. આવા પોલીસકર્મીઓ પાસે જનતા શુ અપેક્ષા રાખશે?. શું પોલીસે વર્દી માત્ર તોડપાણી કરવા પહેરી છે?. લાંચ લઇને પોલીસ આરોપીઓનો સાથ આપી રહી છે?.