અતૂટ વિશ્વાસ / હાથીના સૂંઢ પર પગ મુકીને પીઠ પર ચઢ્યો મહાવત, વીડિયો જોઈને યુઝર્સે કહ્યું, 'આ છે અસલી બાહુબલી'

• મહાવત બાહુબલી સ્ટાઈલમાં હાથી પર ચઢ્યો
• હાથીએ પણ મહાવતને ચઢવા માટે કરી મદદ
• મહાવત અને હાથી વચ્ચેનો સુંદર સંબંધ પ્રતિત થયો 

મહાવત બાહુબલી સ્ટાઈલમાં હાથી પર ચઢ્યો

જ્યારથી ફિલ્મ રીલીઝ થઈ છે, ઘણા દર્શકોએ આ સીનને ફરીથી રીક્રિએટ કરવાનો પ્રયાસ કર્યો છે, પરંતુ તેઓ સંપૂર્ણ રીતે નિષ્ફળ રહ્યાં છે. જો કે, વાયરલ થયેલા એક વીડિયોમાં એક મહાવત બાહુબલી અંદાજમાં હાથી પર ચઢે છે અને સવારી કરતો જોવા મળી રહ્યો છે, જેને જોઈને યુઝર્સ અવાચક રહી ગયા છે. વીડિયોમાં એક હાથી રસ્તા પર ઉભો છે. બાહુબલી સ્ટાઈલમાં એક વૃદ્ધ મહાવત પહેલા હાથીની સૂંઢ અને પછી તેની પીઠ પર ચઢે છે. હાથી પણ મહાવતને ઉપર ચઢવામાં મદદ કરવા માટે તેની સૂંઢને નીચે કરે છે. ત્યારબાદ મહાવત સવારી કરે છે. વીડિયો જોઈને સમજી શકાય છે કે બંનેની વચ્ચે સુંદર સંબંધ છે. આ સાથે બંનેને એકબીજા પર વિશ્વાસ છે. 

He did it like @PrabhasRaju in #Baahubali2. @BaahubaliMovie @ssrajamouli pic.twitter.com/nCpTLYXp7g

— Dipanshu Kabra (@ipskabra) March 30, 2022

આઈપીએસ અધિકારી ટ્વિટર પર વીડિયો શેર કર્યો

વીડિયોને IPS અધિકારી દીપાંશુ કાબરાએ ટ્વિટર પર એક કેપ્શનની સાથે પોસ્ટ કરી, જેમાં લખ્યું, મહાવતે એવુ કર્યુ જેવુ #Baahubali2 માં @PrabhasRaju એ કર્યુ હતુ. તેમણે તેમના ટ્વિટમાં રાજામૌલી અને બાહુબલી ફિલ્મને પણ ટેગ કરી છે. વીડિયો 28,000થી વધુ વખત જોવામાં આવ્યો છે અને 400થી વધુ રીટ્વિટની સાથે ટ્વિટ પર વાયરલ થયો.