વાયરલ / VIDEO: રોમિયોની તો પીપૂડી વાગી ગઈ! પોલીસે જાહેરમાં આપી એવી સજા કે વાયરલ થઈ ગયો વીડિયો

• જુવાનીયા બાઇક પર બેસી પીપૂડી વગાડીને લોકોને પરેશાન કરી રહ્યા હતા
• પોલીસે આવા લોકોને આપી અનોખી સજા 
• સોશ્યલ મીડિયા પર વાયરલ થયો વિડીયો 

ક્રિકેટ ગ્રાઉન્ડ પર મેચ જોવા આવતા દર્શકો હોય કે મેળામાં જનારા યુવાનો... આજકાલ જુવાનીયાઓ મસ્તીના મૂડમાં રહીને આવી જગ્યાઓ પર પ્લાસ્ટિકની સિટીઓ જેને અઆપણે દેશી ભાષામાં ભોપું કે પીપૂડી કહી છીએ એ વગાડીને ખાલી ખોટા દેકારા મચાવતા રહે છે. બિનજરૂરી રીતે પીપૂડીનો પોન...પોન અવાજ કરીને સામાન્ય લોકોના માથાનો દુખાવો કરે છે પણ લોકો આ સામે અવાજ પણ ઉઠાવી શકતા નથી. પણ આવો એક કિસ્સો જબલપુર જિલ્લામાંથી બહાર આવ્યો છે. જ્યાં પોલીસે આવા બિનજરૂરી અવાજ કરીને રસ્તા પર ચાલતા લોકોને પરેશાન કરતા કેટલાક યુવકોને અલગ સજા આપી હતી. હાલ તેનો વિડીયો સોશ્યલ મીડિયા પર વાયરલ થઈ રહ્યો છે. 

વિડીયો થયો વાયરલ 
ઇન્ટરનેટ પર વાયરલ થયેલ આ વીડિયોમાં જોઈ શકાતું હતું કે આ થોડા જુવાનીયા બાઇક પર લોકોની આસપાસ જઈ અને પીપૂડી વગાડીને લોકોને પરેશાન કરી રહ્યા હતા. ગઢા પોલીસ સ્ટેશનની પોલીસે આવા જુવાનીયાને પાઠ ભણાવવા માટે એક અભિયાન ચલાવવાનું નક્કી કર્યું હતું. પોલીસ આવા લોકોને પકડી પાડયા અને એમની પાસેથી પીપૂડી લઈને એમના જ કાનમાં વગાડવા લાગ્યા હતા. અમુક જગ્યાએ પોલીસ યુવાનોને પકડ્યા અને એકબીજા પાસે એકબીજાના કાનમાં પીપૂડી વગાડવાની સજા આપવામાં આવી હતી. હાલ આ વિડીયો ઘણો વાયરલ થઈ રહ્યો છે અને લોકો પોલીસના આવા પગલાંના વખાણ કરી રહ્યા છે. 

#WATCH| MP: Police uniquely deal with miscreants who allegedly blew trumpets into passersby's ears in Jabalpur(6.10)

Instructions are to take action against notorious elements&people who disturb others by blowing trumpets. Post exhortation,we seize their trumpets:Police official pic.twitter.com/LEYHs0oBOH

— ANI MP/CG/Rajasthan (@ANI_MP_CG_RJ) October 6, 2022

આ વીડિયો સોશિયલ મીડિયાના અલગ-અલગ પ્લેટફોર્મ પર શેર કરવામાં આવી રહ્યો છે. સાથે જ અઢળક યુઝર્સે આ અંગે પોતાનો પ્રતિભાવ આપ્યો છે. કેટલાક યુઝર્સે લખ્યું કે આ બિહાર પોલીસ છે, એમની પાસે દરેક દર્દની દવા છે.  મોટા ભાગના યુઝર્સ પોલીસ દ્વારા અવાજ પ્રદુષણ કરનાર લોકોને આપેલ આવી સજાના નિર્ણયની પ્રશંસા કરી રહ્યા છે.