VIDEO / અલ્યા સ્ટમ્પને મારે છે કે મને? ફિલ્ડરે છુટ્ટો થ્રો કર્યો, માંડ બચ્યો ગુજરાતી ક્રિકેટર, મેદાન પર થઈ ગયો રાતોપીળો

• ભારત-ઝિમ્બાબ્વેને બીજી વન-ડે
• ઇશાન કિશને કરેલ બોલ થ્રો અક્ષર પટેલને વાગતા બચ્યો
• શાર્દુલ ઠાકુરે 3 વિકેટ ઝડપી, ઝિમ્બાબ્વે 161 રનમાં ઓલઆઉટ

ભારતીય ટીમે ઝિમ્બાબ્વેને બીજી વન-ડેમાં 161 રનમાં ઓલઆઉટ કરી દીધું હતું. પ્રથમ વન ડેના હીરો દીપક ચહરના સ્થાને મેદાન પર આવેલા શાર્દુલ ઠાકુરે 3 વિકેટ ઝડપીને ઝિમ્બાબ્વેની બેટિંગની કમર તોડી નાખી હતી. તેમના સિવાય મોહમ્મદ સિરાજ, પ્રસિધ કૃષ્ણા, અક્ષર પટેલ, કુલદીપ યાદવ અને દીપક હુડ્ડાએ એક-એક વિકેટ લીધી હતી.

માંડ માંડ બચ્યો
આ મેચની 28મી ઓવરમાં એક એવી ઘટના બની હતી, જેણે એક મિનિટ માટે બધાને ચોંકાવી દીધા હતા. વાસ્તવમાં આ ઓવરના બીજા જ બોલ પર દીપક હુડ્ડાએ ડીપ એક્સ્ટ્રા કવર પર શોટ રમ્યો હતો અને રાયન બર્લે બે રન બનાવ્યા હતા. જ્યારે તે બીજો રન દોડી રહ્યો હતો, ત્યારે ઇશાન કિશને બોલ થ્રો કર્યો હતો, જે શોર્ટ કવર પર ઉભેલા અક્ષર પટેલની નજીક પડ્યો હતો. જ્યારે બોલ હવામાં હતો, ત્યારે અક્સરે બચવા માટે તેના માથા પર હાથ મૂક્યો હતો.

pic.twitter.com/0hPz8OOg9r

— Richard (@Richard10719932) August 20, 2022

અક્ષર પટેલે થયો ગુસ્સે
અક્ષર પટેલથી થોડે દૂર બોલ પડતાં સૌએ રાહતનો શ્વાસ લીધો હતો. ત્યાં સુધીમાં ઇશાન કિશનને પણ પોતાની ભૂલ સમજાઈ ગઈ હતી. તેણે તરત જ માફી માગી લીધી. જો કે, બાપુ અહીં સ્વસ્થ થતાં જ ગુસ્સામાં લાલઘૂમ થઈ ગયા હતા. અક્ષર પટેલે ગુસ્સે થઈને ઈશાનને કંઈક કહ્યું. જો કે, વસ્તુઓ આગળ વધી ન હતી. બાય ધ વે, બંને ખેલાડીઓ ખૂબ જ ફની છે અને મજામાં માને છે એટલે આ બાબત આગળ વધશે એવી અપેક્ષા નહોતી.

મોટી ઘટના ટળી 
બીજી તરફ બોલ દીપક હૂડા પાસે પહોંચ્યો હતો અને તે ફરી એક વખત તેના રનઅપ તરફ આગળ વધ્યો હતો. આ પળનો વીડિયો સોશિયલ મીડિયા પર વાયરલ થઇ રહ્યો છે. દેખીતી રીતે જ જો અક્ષરને બોલ લાગ્યો હોત તો મોટી ઘટના બની શકી હોત.