પાકિસ્તાનના પીએમ ઈમરાન ખાને સાબિત કર્યું કે ભૂગોળ જ નહીં પણ તેમનું ગણિત પણ નબળું છે. તેઓએ ભારતની વસ્તીને 1 અરબ 300 કરોડની ગણાવી છે. જેનો વીડિયો વાયરલ થઈ રહ્યો છે.
ભાંગરો વાટવામાં 1 નંબર ઈમરાન ખાન
ભૂગોળ જ નહીં પણ તેમનું ગણિત પણ નબળું છે
ભારતની વસ્તીને લઈને જે કહ્યું તે જાણીને હસવું આવશે
પાકિસ્તાનના પીએમ ઈમરાન ખાન અનેક વાર ચર્ચામાં રહી ચૂક્યા છે. આ સમયે પણ તેઓ પોતાની મૂર્ખતાનું પ્રદર્શન કરી રહ્યા છે. ઈમરાને સાબિત કર્યું કે તેમનું ભૂગોળ અને સાથે ગણિત પણ નબળું છે. થોડા સમય પહેલા જાપાન અને જર્મનીને પાડોશી દેશ કહીને સામાન્ય જ્ઞાનનું પ્રદર્શન કર્યું હતું અને હવે ભારતની કુલ વસ્તીને 1 અરબ 300 કરોડની ગણાવી છે.
આ રીતે કરી બેઠા મોટી ભૂલ
સોશ્યલ મીડિયા પર પાકિસ્તાનના પીએમ ઈમરાન ખાનનો એક વીડિયો વાયરલ થઈ રહ્યો છે. તેમાં તેઓ ભારતની વસ્તીને 1 અરબ 300 કરોડની ગણાવી રહ્યા છે. વીડિયોમાં ક્રિકેટનો ઉલ્લેખ કરવાની સાથે ખાન કહી રહ્યા છે કે ક્રિકેટમાં 2 વર્લ્ડ કપ છે. એક વનડે ક્રિકેટનો અને બીજો ટેસ્ટ ક્રિકેટનો. તેને તેઓએ ક્રિકેટની ચેમ્પિયનશીપ હરાવી દીધી. તેઓએ આઈસીસી ટેસ્ટ ક્રિકેટ ચેમ્પિયનશીપમાં ન્યૂઝીલેન્ડના વખાણ કરતા આ વાત કહી હતી. આપને જણાવી દઈએ કે ભારતની વસ્તી 139 કરોડની છે.
India’s population is one billion and 300 crore- Pakistani Prime Minister Imran Khan
Japan-Germanyને ગણાવ્યા હતા પાડોશી
આવું પહેલી વાર નથી પણ સામાન્ય જ્ઞાનને લઈને પહેલા પણ ઈમરાન ચર્ચામાં રહ્યા છે. 2019માં ઈરાનના પ્રવાસે તેહરાનમાં મીડિયા સાથેની વાતમાં તેઓએ જાપાન અને જર્મનીને પાડોશી દેશ ગણાવ્યા હતા. તેઓએ કહ્યું હતું કે બીજા વિશ્વયુદ્ધ બાદ જાપાન અને જર્મનીના અનેક લોકોએ જીવ ગુમાવ્યો, પણ થોડા વર્ષો બાદ બંને દેશોએ બોર્ડર પર સંયુક્ત વેપાર કરવાનો નિર્ણય લીધો. તેને લઈને પણ લોકોએ તેમની મજાક ઉડાવી હતી. તમને જણાવી દઈએ કે જાપાન એશિયામાં અને જર્મની યૂરોપિયન કન્ટ્રીમાં ગણાય છે. આ બંને દેશો વચ્ચે હજારો કિમીની દૂરી છે. આ સમયે ભૂગોળના જ્ઞાનને લઈને તેમનો ક્લાસ લેવાઈ ચૂક્યો હતો. આ સમયે પૂર્વ વિદેશમંત્રી હિના રબ્બાની ખાને પણ તેમના નિવેદનની ટીકા કરી અને કહ્યું કે ઈમરાને પાકિસ્તાનને હાસ્યાસ્પદ બનાવી દીધું છે. આ સિવાય પણ ઈમરાન ખાન અને તેમના મંત્રીઓ અનેક એવા નિવેદનો આપી ચૂક્યા છે જેનાથી પાકિસ્તાનને શરમમાં મૂકાવવું પડે છે.