અમદાવાદના વધુ એક પોલીસકર્મીનો ટ્રાફિક નિયમ ભંગ કરવાનો વીડિયો વાયરલ થયો છે. હેલ્મેટ વગર બાઈક ચલાવતા પોલીસકર્મીનો વીડિયો વાયરલ થયો છે. આ વીડિયોમાં સ્થાનિકે ટ્રાફિક પોલીસકર્મીને ખખડાવ્યો હતો. નિયમનું ઉલ્લંઘન કરતા પોલીસકર્મી પાસે સ્થાનિકે ખુલાસો માગ્યો હતો.
નોંધનીય છે કે, હેલ્મેટનું કહેતા પોલીસકર્મી ભાગ્યો હતો. આ ઘટનાનો વીડિયો સ્થાનિકે વાયરલ કર્યો છે. હાલમાં સોશિયલ મીડિયામા ટ્રાફિકનો ભંગ કરનાર પોલીસકર્મીઓના ઘણા વીડિયો અને ફોટા વાયરલ થઈ રહ્યા છે.
ફોટા અને વીડિયો વાયરલ થયા બાદ ટ્રાફિક પોલીસ દ્વારા કાર્યવાહી કરવામાં આવે છે. ત્યારે હવે વધુ એક પોલીસકર્મીનો વીડિયો વાયરલ થયા બાદ શું કાર્યવાહી કરાશે તે આગામી દિવસોમાં જોવાનું રહેશે.
મોટર વ્હીકલ એક્ટ લાગૂ થયા બાદ હવે આટલો થશે દંડ
હેલ્મેટ પહેર્યા વગર વાહન ચલાવવા
જો તમે હેલ્મેટ પહેર્યા વગર વાહન ચલાવો છો તો સાવધાન થઇ જજો. હેલ્મેટ વગર વાહન ચલાવવા પર એક હજાર રૂપિયાનો દંડ તથા 3 મહિના સુધી લાયસન્સ સસ્પેન્સ થઇ જશે.
વીમા પોલિસી વગર વાહન ચલાવવા પર
જો તમે વીમા પોલિસી વગર વાહન ચલાવો છો તો તમને બે હજાર રૂપિયા સુધીનો દંડ ફટકારવામાં આવશે.
લાયસન્સ વગર વાહન ચલાવવું
તમે વ્હીકલ ચલાવો છો અને તમારી પાસે લાયસન્સ નથી તો તમને પાંચ હજાર રૂપિયા સુધીનો દંડ ફટકારવામાં આવી શકે છે.
અધિકારીઓના આદેશનું પાલન ના કરવા પર
અધિકારીઓના આદેશનું પાલન તમે નથી કરતાં તો પહેલા 500 રૂપિયાનો દંડ ફટકારવામાં આવતો હતો પરંતુ હવે તે વધારીને 2 હજાર કરી દેવામાં આવ્યો છે.
સીલ્ટ બેલ્ટ અને ઓવર સ્પીડ પર પણ વધ્યો દંડ
સીટ બેલ્ટ પહેર્યા વગર ચલાવવા પર 100 રૂપિયાની જગ્યાએ 1000 આપવો પડશે. આ ઉપરાંત નક્કી સીમાથી વધારે સ્પીડથી ચલાવવા પર 400ની જગ્યાએ 1000 થી 2000 રૂપિયા સુધીનો દંડ આપવો પડશે.
કેબ કંપનીઓ નિયમોનું ઉલ્લંઘન કરશે તો
ઓલા, ઉબર જેવા ગ્રુપ ડ્રાઇવિંગ લાયસન્સના નિયમોનું ઉલ્લંઘન કરવા પર એક લાખ રૂપિયાનો દંડ થશે.
આ ઉપરાંત અનઑથોરાઇજ્ડ વાહનનો ઉપયોગ કરવા પર પાંચ હજાર રૂપિયા સુધીનો દંડ ફટકારાશે.