શોખ એટલી સજા / VIRAL VIDEO: ફોટોશૂટ કરાવતી વખત ફાટ્યો કલર બોમ્બ, દુલ્હન ગંભીર રીતે દાઝી, બતાવી બોડી

કોઈપણ કપલ માટે, ફોટોશૂટ કરાવવું એ તેમના જીવનની યાદોને સુંદર બનાવવાની એક રીત છે. પરંતુ ક્યારેક કંઈક એવું બને છે કે આ ફોટોશૂટ જીવનભર ખોટી રીતે યાદ રહી જાય છે. કેનેડાથી ભારત આવેલા એક ભારતીય દંપતી સાથે પણ આવું જ કંઈક બન્યું. વાસ્તવમાં, આ દંપતીએ પોતાના માટે ફોટોશૂટ કરાવવાનું નક્કી કર્યું હતું પરંતુ ફોટોશૂટ દરમિયાન કલર બોમ્બ ફૂટ્યો અને દુલ્હન ઘાયલ થઈ ગઈ.

ઇન્સ્ટાગ્રામ પર પોતાની અકસ્માતની સ્ટોરી શેર કરતી વખતે, વિકી અને પિયાએ લગ્નમાં વપરાતા ફટાકડા વિશે પણ ચેતવણી આપી હતી. આ સાથે, તેણે તે સમયનો એક વીડિયો પણ જાહેર કર્યો જ્યારે ફટાકડા ફૂટતા તેના વાળ અને શરીર બળી ગયા હતા. વીડિયોના કેપ્શનમાં લખ્યું છે, "અમારો પ્લાન એવો હતો કે વરરાજા દુલ્હનને પોતાના ખોળામાં ઉપાડે અને તે જ સમયે પાછળથી એક સુંદર રંગીન બોમ્બ બેગ્રાઉન્ડને વધુ સુંદર બનાવે." પરંતુ અમે આ કરવાનો પ્રયાસ કરતાની સાથે જ રંગીન બોમ્બ સીધો ફૂટ્યો નહીં પણ અમારા ઉપર ફૂટ્યો. આ બધામાં સારી વાત એ હતી કે અમે બાળકને અમારી સાથે રાખ્યું નહીં.

વધુ વાંચો: 24 કલાક બાદ આસમાને જશે તાપમાનનો પારો, અમદાવાદીઓ એલર્ટ રહેજો!

પોસ્ટ સાથે અપલોડ કરાયેલા વીડિયોમાં સ્પષ્ટપણે જોઈ શકાય છે કે બોમ્બ વિસ્ફોટ પછી અરાજકતા ફેલાઈ ગઈ હતી. આ પછી તરત જ, દુલ્હન હોસ્પિટલના બેડ પર જોઈ શકાય છે, જ્યાં તેના શરીર પર બળી ગયેલા નિશાન સ્પષ્ટપણે દેખાય છે. આ સમગ્ર ઘટનામાં દુલ્હનના વાળ પણ બળી જાય છે. આ વીડિયોમાં પણ સ્પષ્ટ દેખાય છે.

View this post on Instagram

A post shared by Vicky & Piya ♡ Luxury Travel Couple (@viaparadise)

ઇન્સ્ટાગ્રામ સ્ટોરીમાં, દંપતીએ ખુલાસો કર્યો કે લગ્ન અને રિસેપ્શન વચ્ચે ફોટા પાડતી વખતે આ ઘટના બની હતી. તેમણે કહ્યું કે બળતરા થવાને કારણે અમે નજીકના હોસ્પિટલમાં પહોંચ્યા. ડૉક્ટરે ત્યાં અમારી સારવાર કરી. જોકે આ પછી અમે રિસેપ્શનમાં પાછા ગયા અને રાત્રિનો આનંદ માણ્યો. તેમણે લખ્યું, "આ પોસ્ટ તમારા કાર્યક્રમોમાં રંગીન બોમ્બ ફટાકડા વાપરવાના જોખમોને ઓરવા જેવુ છે. અમે બધી સલામતીની સાવચેતીઓનું પાલન કર્યું હતું છતાં કંઈક ખોટું થયું અને અમે ઘાયલ થયા.

બધા જ સમાચાર અને અપડેટ્સ મેળવવા માટે પ્લેસ્ટોર/એપ સ્ટોર પર જઇને અથવા આ લાઇન પર ક્લિક કરીને ડાઉનલોડ કરો અમારી લેટેસ્ટ એપ