થાઈલેન્ડમાં 10 ફૂટ લાંબો ઝેરી કોબરા સાપ રસોડામાં ઘૂસી આવતા જોવા જેવો ઘાટ થયો હતો.
થાઈલેન્ડની એક ચોંકાવનારી ઘટના
રસોડામાં આવી ચડ્યો 10 ફૂટ લાંબો ઝેરી કોબરા સાપ
કોબરો આવ્યો ત્યારે આખો પરિવાર ઘરમાં જ હતો
ઘટનાનો વીડિયો વાયરલ
દુનિયાના ખતરનાક અને ઝેરી સાપમાંના એક કોબરાનું નામ આવતા જ લોકોના ગાત્રો શિથિલ થઈ જાય છે. સામાન્ય રીતે કોબરા જંગલમાં જોવા મળે છે પરંતુ ક્યારેક ઘરમાં પણ આવી ચડે છે અને ત્યારે તેને પકડવો ખૂબ અઘરો બની જતો હોય છે. થાઈલેન્ડમાં એક આવી જ ઘટના પ્રકાશમાં આવી છે. અહીંના એક પરિવારના ઘરમાં કોબરા ઘુસી આવ્યો અને આવું બન્યું ત્યારે પરિવારના તમામ સભ્યો ઘરમાં હાજર હતા.આ ઘટના 15 જાન્યુઆરીએ બની હતી. ચંથાબુરી પ્રાંતમાં 29 વર્ષીય ફવિની એનગેમપ્રોમના ઘરમાં લગભગ 10 ફૂટ લાંબો કોબ્રા સાપ ઘૂસી ગયો હતો.
Watch as snake catchers try to coax a 10-ft-long king cobra out of a family’s kitchen in Thailand. The family was inside the house when the giant snake entered, causing them to flea the premises & alert animal officials. Specialists were able to safely corral the cobra. pic.twitter.com/qqEQ8nAMDN
સૌથી પહેલા બાળકોએ કોબરાનો ફૂંફાડો સાંભળ્યો, તાત્કાલિક વડીલોને કરી વાત
ઘરમાં ઘુસેલા કોબરાનો ફૂંફાડો સૌથી પહેલા બાળકોએ સાંભળ્યો હતો અને તેમણે તાત્કાલિક ઘરના સભ્યોને તેની જાણ કરી હતી. ઘરના માલિકે સ્નેક કેચર ટીમને બોલાવી અને તેઓ ઘટનાસ્થળે પહોંચી ગયા, જ્યારે સાપ પકડનારની ટીમ પહોંચી તો તેઓ જોઈને આશ્ચર્યચકિત થઈ ગયા. સાપ રસોડામાં હાજર હતો અને ઘરના સભ્યો પણ ત્યાં હતા. તે એક કબાટ નીચે સંતાઈ ગયો હતો. ભૂલથી પણ જો કોઈ તેની નજીક જાય તો તે તેને ડંખ મારી શકે છે. 15 મિનિટની મહેનત બાદ સાપ પકડવાળાઓએ કોબરાને પકડી લીધો હતો.
સાપની લંબાઈ જોઈ લોકો ડરી ગયા
જ્યારે લોકોએ ટ્વિટર પર આ વીડિયો જોયો, ખાસ કરીને તેઓ આ સાપની લંબાઈ જોઈને ડરી ગયા. વચ્ચેવચ્ચે કોબરા તેની ફેણ ચડાવીને ઊભો રહી જાય છે અને પકડનાર તરફ આગળ વધે છે. વીડિયોમાં સાપનો ગુસ્સો જોઈ શકાય છે. બાદમાં આ સાપને જંગલમાં છોડી દેવામાં આવ્યો હતો. બીજી તરફ, ઓનરનું કહેવું છે કે તેના ઘરે એક સાપ આવ્યો હતો, તે તેને પોતાનું નસીબ માની રહ્યો છે. તે ટૂંક સમયમાં લોટરી ટિકિટ નંબર 59 ખરીદશે.