ઈન્ટરનેટ પર બે વર્ષની બાળકીના રાંધવાનો એક ખૂબ ઈમ્પ્રેસ વીડિયો સામે આવ્યો છે.
બે વર્ષની બાળકી કૂક બની
મમ્મીને ચિકન રાંધીને આપ્યું
વીડિયો જોઈને ઈન્ટનેટ ઈમ્પ્રેસ થયું
શું તમને તમારુ બાળપણ યાદ છે કે જ્યારે તમે તમારા માતાપિતાની પાછળ દોડતા હતા અને તેમને દરેક બાબતમાં મદદ કરવાનો પ્રયાસ કરતા હતા? પછી વાત ભલેને તમારા પિતાને તેમની ઓફિસમાં મદદ કરવાની હોય કે પછી તમારી માતાને ઘરકામમાં મદદની હોય. આપણે બધા બાળપણની આવી મીઠી યાદોને સંઘરીને બેઠા છીએ. હવે પોતાની મમ્મીને રાંધીને ખવડાવનાર એક 2 વર્ષની ટેણીનો વીડિયો વાયરલ થયો છે જે ખરેખર ફની છે.
મમ્મી માટે ચિકન રાંધી દેખાડ્યું બાળકીએ
ઇન્સ્ટાગ્રામ યુઝર દ્વારા એક 2 વર્ષની બાળકીનો વીડિયો અપલોડ કરાયો છે. વીડિયોમાં 2 વર્ષની બાળકી તેની માતા માટે ચિકન રાંધી રહેલી દેખાય છે. વીડિયોની શરૂઆતમાં નાની બાળકી કેટલીક શાકભાજી કાપતી જોવા મળી રહી છે. પછી તે સ્ટીમરમાં બ્રોકોલીસ, ગાજર, દૂધી, કઠોળ અને બીજું ઘણું બધું ઉમેરે છે. પછી, તેની માતા તેને ચિકનના કેટલાક કાપેલા ટુકડાઓ આપે છે, જેને તે મસાલા અને તેલમાં ફ્રાય કરી આપે છે અને ત્યાર બાદ તેને એર ફ્રાયરમાં રાંધે છે. અંતે, ટેણીએ રાંધેલું ચિકન પોતાની મમ્મીને આપે છે અને પછી તે બન્ને શાકભાજી, ચિકન અને ભાતનો સ્વાદ માણે છે.
33 લાખ વાર જોવાયો વીડિયો
જ્યારથી આ વીડિયો અપલોડ કરવામાં આવ્યો છે, ત્યારથી તેને 33 લાખ વખત જોવામાં આવ્યો છે, 146K લાઇક્સ છે, અને એક હજાર જેટલી કોમેન્ટ્સ પણ કરવામાં આવી છે. ઘણા યુઝર્સને આ વીડિયો ખૂબ જ સુંદર લાગ્યો.
ઈન્ટરનેટ ઈમ્પ્રેસ થયું
2 વર્ષની ટેણીના રાંધવાના વીડિયોએ તહેલકા મચાવ્યો છે. લોકોએ તેની પર જાતજાતની કોમેન્ટ કરી હતી. એક યૂઝરે લખ્યું કે વાહ ! એકદમ અદ્ભુત! મારા બાળકો છ અને આઠ વર્ષના છે અને તેઓ ભાગ્યે જ માખણ લગાવેલો ટોસ્ટ બનાવી શકે છે. બીજા વ્યક્તિએ કહ્યું કે તમે ભાગ્યશાળી છો કે તે શાકભાજી ખાય છે. ત્રીજા યુઝરે એવું કહ્યું કે પહેલા મમ્મીને વાનગીઓમાં મદદ કરવી, હવે તે ખરેખર રસોઈમાં મદદ કરે છે? હું આશા રાખું છું કે મારા ભાવિ બાળકો આવા જ હશે. આ તો બહુ સરસ છે.