D-માર્ટ દ્વારા 2500નું વાઉચર મળે છે એકદમ ફ્રી..?શું છે હકીકત જુઓ VIDEO

D-માર્ટ દ્વારા 2500નું વાઉચર ફ્રી આપવામાં આવે છે તેવી એક લીંક સોશિયલ મીડિયામાં વાયરલ થયેલ છે. જેની સાથે એક લિંક કરવામાં આવે છે. જેની તપાસ કરતા વાયરલ મેસેજની સાથે જે લિંક આપવામાં આવી છે એતો ફેક છે તે જાણવા મળ્યું.

પરંતુ આ મેસેજ બાબતે ડી માર્ટ તરફથી કોઇ સ્પષ્ટતા કરવામાં આવી છે કે નહીં તે પણ જાણવું જરૂરી હતું. માટે અમારા સંવાદદાતાએ ડી-માર્ટના મેનેજરનો સંપર્ક કર્યો હતો અને તેમને વાયરલ મેસેજ વિશે વાત કરવામાં આવી હતી. જે બાદ ડી-માર્ટ તરફથી સ્પષ્ટતા કરવામાં આવી હતી. 
 
આપને જણાવી દઇએ કે કોઈપણ ઓરિજીનલ વેબસાઈટની આગળ HTTPS લખેલું હોવું જોઈએ. તોજ એ વેબસાઈટ ઓફિશિયલ માનવામાં આવે છે. જો કોઈ પણ લિંક તમે ઓપન કરો અને જો વેબસાઈટની ઉપરની લિંકમાં HTTPS લખેલું ન હોય તો સમજવું કે આ ફેક લિંક છે. ત્યારે ડી માર્ટની ઓફિશિયલ વેબસાઈટમાં પણ ફેક મેસેજ વિશે વાત કરવામાં આવી છે.



તો વાયરલ મેસેજની તપાસમાં સામે આવ્યું છે કે ડી-માર્ટ દ્વારા કોઈ કૂપન કે વાઉચર આપવામાં આવતા નથી. વાયરલ મેસેજમાં ફેક લિંક આપવામાં આવી છે. આ લિંક ઓપન કરતા તમારો ડેટા ચોરી થઈ શકે છે. તેમજ તમારા મોબાઈલમાં કંપનીના મેસેજ કે કોલ પણ આપી શકે છે.માટે આવા ફેક મેસેજને ફોરવર્ડ ન કરતા આવા મેસેજને ડિલીટ કરી દેવું જોઈએ. 

આમ વીટીવીની પડતાલમાં વાયરલ મેસેજ ખોટો સાબિત થયો છે. ડી માર્ટ દ્વારા પણ આ ફેક મેસેજની જાળમાં ન ફસાવાની સલાહ આપવામાં આવી છે. આ મેસેજ અમારા ઘણા દર્શકો તરફથી મળ્યો હતો અને લોકોએ અપીલ કરી હતી કે આ મેસેજની તપાસ થાય. માટે અમે નક્કી કર્યું કે આ મેસેજની હકીકત આપના સુધી જણાવીએ અને આખરે આ મેસેજ ખોટો સાબિત થયો છે.