સુશાંતે દુનિયાને અલવિદા કહ્યાંને એક મહિનાથી વધુનો સમય વિતી ગયો છે. સોશિયલ મીડિયા પર તેના ઘણાં વીડિયો અને ફોટોઝ સામે આવે છે જેને જોઈને ફેન્સના આંખોમાં આંસુ આવી જાય છે. સુશાંતના જવાનું દુઃખ તેના પરિવારજનો, ફેન્સ સાથે તેના ડોગી ફઝને પણ થયું છે. જે કંઈ બોલી નથી શકતો પરંતુ તેના માલિકને શોધે છે. સુશાંતની મોત બાદથી તેના ડોગ ફઝની રડતી તસવીરો પણ વાયરલ થઈ હતી. ત્યારે હાલમાં જ સુશાંતની બહેન શ્વેતા સિંહ કીર્તિએ એક તસવીર શરે કરી છે. જેમાં ફઝ સુશાંતના પિતા કેકે સિંહ સાથે જોવા મળી રહ્યો છે.
સુશાંતના નિધન બાદ એક્ટરના ડોગનું શું થયું, તે હવે કોની પાસે છે, તે અંગે પણ ચર્ચા થઈ રહી હતી. સુશાંતને તેના ડોગ ફઝથી ખૂબ જ પ્રેમ હતો અને તે અવારનવાર તેની સાથે મસ્તી કરતા જોવા મળતો હતો.
ઘણી મીડિયા રિપોર્ટ્સમાં કહેવામાં આવ્યું હતું કે, સુશાંતની મોત બાદથી તેણે ખાવાપીવાનું ઓછું કરી દીધું હતું, પરંતુ હાલની તસવીર જોઈને લાગે છે કે હવે ફઝ પણ ધીરે-ધીરે આ આઘાતમાંથી બહાર આવી રહ્યો છે.
તમને જણાવી દઈએ કે, બિગ બોસ સ્ટાર મનવીર ગુજરે તેના ડોગની કેટલીક તસવીરો શેર કરી હતી. જેમાં ફઝ એકદમ ઉદાસ દેખાઈ રહ્યો હતો. આ તસવીર શેર કરીને તેણે લખ્યું હતું કે, ભાઈ સુશાંત કોઈને ના સહી પણ આને આજે પણ તારી કદર છે.