અફઘાનિસ્તાનની સ્થિતિથી આખી દુનિયા વાંકેફ છે. તાલિબાનોએ આ સુંદર દેશ પર પ્રભુત્વ જમાવી દીધુ છે અને અફઘાનિસ્તાનની મહિલાઓ અને બાળકો પર અત્યાચાર કરી રહ્યાં છે. લોકોની હત્યા કરી રહ્યાં છે.
અફઘાનિસ્તાનની સ્થિતિથી આખી દુનિયા વાંકેફ
જાણીતા એક્ટર સિદ્ધાર્થ શુક્લાએ મહિલાઓના કર્યા વખાણ
સ્વરક્ષણ માટે ઉભી થનારી અફઘાની મહિલાઓને સલામ
અફઘાની નાગરિકો દેશ છોડવા માટે મજબુર
તાલિબાનોના ત્રાસથી ડરી ગયેલા અફઘાની નાગરિકો દેશ છોડવા માટે મજબુર બન્યાં છે. પરંતુ તેઓ ભાગી શકતા નથી. કેટલાંક માનવ અધિકાર સંગઠનો અને મોટા દેશોએ આ દુ:ખદ ઘટના પર મૌન ધારણ કરી લીધુ છે. પરંતુ અફઘાનિસ્તાનના કલાકારથી લઈને વિશ્વભરના કલાકાર તાલિબાનોની આ દમનશાહીનો વિરોધ કરી રહ્યાં છે.
સિદ્ધાર્થ શુક્લાએ અફઘાન મહિલાઓના કર્યા વખાણ
ઘણાં કલાકાર અફઘાનિસ્તાનને તાલિબાનોના ત્રાસમાંથી મુક્ત કરાવવા માટે શક્તિશાળી દેશો પાસેથી મદદની ગુહાર લગાવી રહ્યાં છે. જેમાંથી એક નામ હવે ટીવીના જાણીતા એક્ટર અને બિગ બોસ 13ના વિનર સિદ્ધાર્થ શુક્લાનું પણ જોડાયુ છે. તેઓ અવાર-નવાર સામાજિક મુદ્દાઓને લઈને સોશિયલ મીડિયા પર પોતાનો પક્ષ મુકે છે. તેમણે તાલિબાનના અત્યાચાર વિરુદ્ધ એકત્રિત થયેલી મહિલાઓના વખાણ કર્યા છે.
સિદ્ધાર્થ શુક્લાએ મહિલાઓના વખાણ કરતા પોતાના ટ્વિટમાં લખ્યું, સ્વરક્ષણ માટે ઉભી થનારી અફઘાનિસ્તાનની મહિલાઓને સલામ કરુ છું. થોડા દિવસ પહેલાં સિદ્ધાર્થ શુક્લાએ અફઘાનિસ્તાનની સ્થિતિ પર ચિંતા દર્શાવી હતી. તેમણે પોતાના ઈન્સ્ટાગ્રામ પર બ્લેક એન્ડ વ્હાઈટ તસ્વીર શેર કરીને લખ્યું હતું, "અફઘાનિસ્તાનની પરિસ્થિતિ જોઈને ખૂબ દુ:ખ થાય છે... શું માનવતા હજી પણ અસ્તિત્વમાં છે!!"
Hats off to the women of Afghanistan for standing up for themselves….
ઉલ્લેખનીય છે કે, તાલિબાનોની દમનશાહીને જોઈને અફઘાની મહિલાઓ તેમના વિરુદ્ધ રોડ પર ઉતરી હતી. આ મહિલાઓ દેશના ધ્વજને લઈ રસ્તા પર ઉતરી છે અને તાલિબાનો વિરુદ્ધ નારેબાજી કરી રહી છે.