સુશાંત સિંહ રાજપૂતના કેસમાં પરિવારના એફઆઈઆર અને બિહાર પોલીસે તપાસ બાદ જે સચ્ચાઈ સામે આવી છે તે ચોંકાવનારી છે.આ કેસમાં હવે બહેન શ્વેતાએ સોશ્યિલ મીડિયા પર ભાઈને ન્યાય અપાવવાની માંગ કરી છે. સતત અનેક પોસ્ટ કરી છે જેને લઈને કોઈ પણ વ્યક્તિ વિચારવા માટે મજબૂર છે. બહેન શ્વેતાએ સોશ્યિલ મીડિયા પર એક પોસ્ટ શેર કરી છે અને તેમાં કહ્યું છે કે સુશાંત શિવભક્ત હતો. બહેન શ્વેતાએ સુશાંતના વ્હાઈટ બોર્ડનો ફોટો શેર કર્યો છે. જેમાં સુશાંતે 29 જૂનથી પ્લાનિંગ કર્યું છે. તે વર્ક આઉટ અને મેડિટેશનનું પણ પ્લાનિંગ કરતો હતો.
બહેન શ્વેતાએ એક અન્ય પોસ્ટ શેર કરી છે અને તેમાં ઈશારો કર્યો છે કે સુશાંત શિવભક્ત હતો. જો કે સુશાંતના અનેક વીડિયોઝ વાયરલ થયા છે જેમાં એક વીડિયો એવો પણ છે જેમાં દોસ્ત સાથે તે જય જય શિવ શંભૂ ગાઈ રહ્યો છે. વીડિયોના ગ્રેબ લઇને બહેને સત્યની કામના કરી છે. બહેને લખ્યું છે કે દરેક ભગવાન શિવને પ્રાર્થના કરે કે અમને સચ્ચાઈની તરફ લઈ જાય અને લડવાની શક્તિ આપે.
બહેન શ્વેતાએ ભાઈને માટે સતત પોતાની પોસ્ટની મદદથી ન્યાયની આશા રાખી છે. સુશાંતના ફેન્સ પણ તેની બહેનની લડતમાં સાથ આપી રહ્યા છે. તેઓ પણ સોશ્યિલ મીડિયાની મદદથી સુશાંત કેસમાં સીબીઆઈની તપાસમાં પ્રેશર બનાવી રહ્યા છે.