Viral / રાનૂ મંડલે પોતાના અંદાજમાં ગાયું 'બચપન કા પ્યાર' ગીત, વીડિયો જોઈ ફેન્સ ચક્કર ખાઈ ગયા, વીડિયો વાયરલ

• 'બચપન કા પ્યાર' ગીત સોશિયલ મીડિયા પર મચાવી રહ્યું છે ધમાલ
• રાનૂ મંડલે પોતાના અંદાજમાં ગાયું 'બચપન કા પ્યાર' ગીત
• રેલવે સ્ટેશન પર ગીત ગાઈને રાતોરાત સ્ટાર બની ગઈ હતી રાનૂ મંડલ

વર્ષ 2019માં રેલવે સ્ટેશન પર સ્વર કોકિલા લતા મંગેશકરનું ગીત 'એક પ્યાર કા નગમા' ગાઈને રાનૂ મંડલ ફેમસ થઈ ગઈ હતી. રાનૂ મંડલનો એ વીડિયો એટલો વાયરલ થયો કે બોલિવૂડ સિંગર હિમેશ રેશમિયાએ તેને તેની ફિલ્મમાં ગાવાની તક આપી હતી. હિમેશ રેશમિયાના ગીતને લઈને ચર્ચામાં આવેલી રાનૂ ફરીથી ઇન્ડસ્ટ્રીમાંથી ગૂમ થઇ ગઇ છે. હાલમાં જ તેનો એક વીડિયો સોશિયલ મીડિયા પર વાયરલ થયો છે જેમાં તે છત્તીસગઢના રહેવાસી સહદેવ દિરદોના વાયરલ ગીત'બચપન કા પ્યાર' ગાતી જોવા મળી છે. રાનૂ મંડલનો આ વીડિયો સોશિયલ મીડિયા પર વાયરલ થઈ રહ્યો છે.

 

 

 

 

View this post on Instagram

 

 

 

 

 

 

 

 

 

 

 

A post shared by Sacred Adda (@sacredadda)

'બચપન કા પ્યાર' સોન્ગથી હિટ થયેલો સહદેવ દિરદો હાલમાં ચર્ચામાં છે. હાલમાં જ તેણે પ્રખ્યાત રેપર બાદશાહની સાથે આ ગીતને નવું ટ્વિસ્ટ આપ્યું, જે લોકો ખૂબ પસંદ આવી રહ્યું છે. હવે 'બચપન કા પ્યાર' રાનૂ મંડલ ગાતી જોવા મળી છે. લાંબા સમયથી સોશિયલ મીડિયાથી દૂર રાનૂ મંડલનો આ વીડિયો વાયરલ થઈ રહ્યો છે.

હકીકતમાં ઈન્સ્ટાગ્રામ પર સેકર્ડ અડ્ડા નામનું એક અકાઉન્ટ છે જેના પર રાનૂનો આ વીડિયો જોવા મળ્યો છે. વીડિયોમાં એક વ્યક્તિએ માઇક પકડ્યો  છે અને તેની સાથે રાનૂ મંડલ મેક્સી પહેરેલી જોવા મળી રહી છે અને 'બચપન કા પ્યાર' ગીત પોતાના અંદાજમાં ગાઇ રહી છે. સાથે જ તે વ્યક્તિ રાનૂ મંડલની સાથે ગાતો જોવા મળી રહ્યો છે. આ ક્લિપ નાની છે પણ તે ઝડપથી વાયરલ થઇ રહી છે.

આ વીડિયો જોયા બાદ લોકો સોશિયલ મીડિયા પર ખૂબ જ કમેન્ટ્સ કરી રહ્યાં છે. એક યુઝરે લખ્યું- આ તો સારું ગાય છે. અન્ય એક યુઝરે લખ્યું- અચ્છા, આ જીવે છે શું? ' તો કેટલાક યુઝરે ફક્ત ઇમોજી શેર કરી પોતાનું રિએક્શન આપ્યું છે.

બચપન કા પ્યાર ગીતને કારણે છત્તીસગઢનો સહદેવ દિરદો રાતોરાત સ્ટાર બની ગયો છે. સહદેવના જૂના વીડિયો પર ઘણી રિલ્સ બની છે અને હવે 'બચપન કા પ્યાર'ના લેટેસ્ટ વર્ઝન પર મોટી મોટી હસ્તીઓ રિલ્સ બનાવી રહી છે. બાદશાહનું આ નવું ગીત રિલીઝ થયા બાદ યૂટ્યૂબ પર નંબર વન પર ટ્રેન્ડ કરી રહ્યું છે.

સહદેવ છત્તીસગઢનાં સુકમાનાં છિંદગઢ બ્લોકમાં રહે છે. બે વર્ષ પહેલાં તેનાં ટીચરે એક વીડિયો બનાવી સોશિયલ મીડિયા પર શેર કર્યો હતો, જે હવે ખૂબ જ વાયરલ થયો છે.