બોલિવૂડ એક્ટર સુશાંત સિંહ રાજપૂતના નિધનને3 મહિનાથી વધુ સમય થઈ ગયો છે. આ કેસની તપાસ ચાલી રહી છે અને સુશાંતના પરિવાર અને ફેન્સ એ જ આશામાં છે કે, આ કેસની હકીકત બધાંની સામે આવશે. ત્યારે હાલમાં જ સોશિયલ મીડિયા પર એક વીડિયો વાયરલ થઈ રહ્યો છે. જેના કારણે સુશાંતની એક્સ ગર્લફ્રેન્ડ અંકિતા લોખંડે ફરી ડિસ્ટર્બ થઈ ગઈ છે. આ વીડિયો સામે આવ્યા બાદ અંકિતાએ યુઝરને આડે હાથ લેતા તરત જ આ વીડિયો ડિલીટ કરવાનું કહ્યું.
સુશાંતના કેસમાં ચાલી રહી છે તપાસ
તો હવે સુશાંતના અંતિમ સંસ્કારનો વીડિયો થયો વાયરલ
અંકિતા લોખંડે યુઝરને લીધા આડે હાથ
હકીકતમાં ટ્વિટર પર એક યુઝરે સુશાંત સિંહ રાજપૂતનો એક વીડિયો શેર કર્યો છે, જેમાં તે ઠાઠડીમાં સૂતેલો જોવા મળી રહ્યો છે. આ વીડિયો શેર કરતાં એક યુઝરે લખ્યું છે કે, 'હું આ વીડિયોને શેર નહોતો કરવા માંગતો પરંતુ એટલેશેર કર્યો છે કે જો ક્યારેય બોલિવૂડ ફિલ્મો જોવાનું મન થાય તો આ ચહેરાને યાદ કરજો. આ વીડિયો શેર કરતાં યુઝરે સુશાંતની બહેન અને અંકિતા લોખંડે સહિત ઘણાં લોકોને ટેગ કર્યા છે.
યુઝરના આ વીડિયોને જોયા બાદ અંકિતા લોખંડે ગુસ્સાથી લાલ થઇ ગઇ હતી. તેણે ટ્વિટને રીટ્વિટ કરતાં લખ્યું કે, 'શું થઇ ગયું છે તમને? આવા વીડિયોને શેર કરવાનું બંધ કરો. અમારા બધાં માટે આ જોવું મુશ્કેલ છે. પ્લીઝ તેને તરત જ ડિલીટ કરો. અમે જાણીએ છે કે, તમે સુશાંતને પ્રેમ કરો છોપણ સપોર્ટ કરવાનો આ કોઇ જ રસ્તો નથી. હું હાથ જોડીને કહું છું કે, આ વીડિયો ડિલીટ કરો.'
અંકિતાની આ ટ્વિટ જોયા બાદ કેટલાક લોકોએ તેનો સપોર્ટ કર્યો તો કેટલાક અંકિતાને આડે હાથ લીધી અને સંભળાવ્યું કે આ વીડિયો રિટ્વિટ કેમ કર્યો. તમને જણાવી દઇએ કે, સુશાંતે 14 જૂને તેના બાન્દ્રા સ્થિત ઘરે આત્મહત્યા કરી હોવાની વાત સામે આવી હતી. અંતિમ સંસ્કારમાં અંકિતા લોખંડે સામેલ થઇ નહોતી. તેણે કહ્યું હતું કે તે સુશાંતને આ રીતે જોઈશકતી ન હતી. જેથી તે તેના અંતિમ સંસ્કારમાં સામેલ નહોતી થઈ.