કોરોના મહામારીના કારણે પોલીસ કર્મીઓ પોતાની નિષ્ઠા સાથે ડ્યૂટી કરી રહ્યા છે આ સમયે એક વીડિયો વાયરલ થઈ રહ્યો છે જેમાં દરેક લોકોના દિલમાં પોલીસ માટે સમ્માન વધશે.
સોશ્યલ મીડિયામાં વીડિયો થયો વાયરલ
સડક પર અલગ અંદાજમાં જોવા મળી આ પ્રેગનન્ટ ડીએસપી ઓફિસર
કરાવી રહી છે કોરોનાના નિયમોનું પાલન
કોરોના વાયરસના કારણે રોજ મોતનો વધતો આંક દેશને ડરાવી રહ્યો છે ત્યારે લોકો પોતાની જિંદગીને બચાવવા માટે ઘરમાં છુપાઈને બેસવા મજબૂર બન્યા છે. પરંતુ હજુ પણ કોરોના વોરિયર્સ એવા છે જે પોતાના જીવના જોખમે પણ સામાન્ય લોકો માટે સડક પર પોતાની ફરજ બજાવતા જોવા મળી રહ્યા છે. આવા વોરિયર્સના રૂપમાં એક પોલીસ મહિલા છે જે પોતાની અને પરિવારની ચિંતા કર્યા વિના સડક પર પોતાની ડ્યૂટી કરી રહ્યા છે.
વાયરલ થઈ રહ્યો છે વીડિયો
હાલમાં ઈન્ટરનેટ પર એક વીડિયો વાયરલ થઈ રહ્યો છે તેનાથી છત્તીસગઢના દંતેવાડાનું નામ જાણીતું બન્યું છે. અહીંના પ્રેગનન્ટ ડીએસપી પોતાની પરવાહ કર્યા વિના સડક પર આગ ઝરતી ગરમીમાં પણ ડ્યૂટી કરી રહ્યા છે. ડીએસપીની નિષ્ઠાએ લોકોનું દિલ જીતી લીધું છે. આ ડીએસપીનું નામ છે શિલ્પા સાહૂ જે માઓવાદથી પ્રભાવિત થઈને જિલ્લાના દંતેવાડામાં ફરજ બજાવી રહ્યા છે. તેઓ પ્રેગનન્ટ હોવા છતાં પણ સડક પર લોકડાઉનનું પાલન કરાવતા જોવા મળી રહ્યા છે. વીડિયોમાં જોઈ શકાય છે કે શિલ્પા ટીમનની સાથે આવતા જતા લોકોને ચેક કરી રહી છે અને લોકોને કારણ વિના બહાર ન નીકળવાની પણ અપીલ કરી રહી છે.
ડીએસપીએ લોકોને ઘરે રહેવાની કરી અપીલ
મળતી માહિતી અનુસાર શિલ્પા સાહૂએ લોકોને ઘરે રહેવાની અપીલ કરી છે. લોકો ઘરમાં રહે અને સુરક્ષિત રહે. શિલ્પાએ કહ્યું પોલીસ તમારી સુરક્ષા માટે સડક પર છે તો તમે ઘરે રહો. શિલ્પાએ લોકોને મહામારીને સામાન્યમાં ન લેવાનો અનુરોધ પણ કર્યો છે.
લોકડાઉનથી જ તૂટશે કોરોનાની ચેન
શિલ્પાએ કહ્યું છે કે લોકોએ સમજવું જોઈએ કે કોરોના વાયરસની ચેનને તોડવા માટે લોકડાઉન લગાવાયું છે. દરેક વ્યક્તિ ઘરે રહે. સાથે જ માસ્ક પહેરવાની અને સેનેટાઈઝરનો ઉપયોગ કરવાની અને સોશ્યલ ડિસ્ટન્સિંગનું પાલન કરવાની વાત પણ કરી છે.