વિવાદ / કોંગ્રેસના સીનિયર નેતાનું 25 વર્ષીય યુવતી સાથે ઈલુ-ઈલુ, યુવતીના પરિજનોએ નેતાને મેથીપાક ચખાડ્યાની ચર્ચા

• ગુજરાત કોંગ્રેસના દિગ્ગજ નેતા ફરી વિવાદમાં
• યુવતી સાથેના પ્રેમ સંબંધને લઈને આવ્યા વિવાદમાં
• યુવતીના પરિવારજનોએ નેતાને મેથીપાક આપ્યાની ચર્ચા

રાજકારણમાં એક તરફ જૂથવાદ તો બીજી તરફ ઇલુ ઇલુના સંબંધો સામે આવી રહ્યા છે. ભૂતકાળમાં અનેક રાજકીય નેતાઓના પ્રેમ સંબંધોનો સામે આવ્યા છે ત્યારે વધુ એકવાર કોંગ્રેસના દિગ્ગજ નેતા પ્રેમ સંબંધને લઇને ચર્ચામાં આવ્યા છે.  રાજકારણમાં દબદબો ધરાવતા નેતાઓનું નામ સોશિયલ મીડિયામાં ચઢતા રાજકારણમાં ગરમાવો આવ્યો છે.

કોંગ્રેસના દિગ્ગજ નેતા ફરી વિવાદમાં

કોંગ્રેસના સિનિયર નેતાના 25 વર્ષીય યુવતી સાથે સંબંધ હોવાની ચર્ચાથી ફરીથી વિવાદમાં આવ્યા છે. અગાઉ પણ આ નેતા પોતાની પત્ની સાથે અણબનાવને લઇને ચર્ચામાં આવ્યા હતા.   લગ્નેતર સંબંધ સિવાય અને પ્રેમસંબંધને લઇને ચર્ચામાં આવતા રાજકારણમાં ગરમાવો આવ્યો છે.  આ મામલે યુવતીના પરિવારજનોને ખબર પડતા જ તેઓએ નેતાને બરાબર ઠપકો પણ આપ્યો હોવાનું જાણવા મળી રહ્યું છે. યુવતીના પરિવારજનોએ માર માર્યો હોવાનુ પણ ચર્ચાઇ રહ્યુ છે. સોશિયલ મીડિયામાં એક પોસ્ટ પણ ફરતી થઇ છે. સાથે એમ પણ કહેવામાં આવી રહ્યુ છે કે નેતા યુવતી સાથે વૈદિક વિધી કરતા હતા. કોંગ્રેસના સિનિયર નેતાના આવા વર્તને ચોમેર ચર્ચા જગાવી છે. એક તરફ ચૂંટણી નજીક આવી રહી છે તો બીજી તરફ પાર્ટીના સિનિયર નેતાઓના પ્રેમપ્રકરણ સામે આવતા માહોલ તંગ બન્યો છે.

રાજકોટ ભાજપમાં પણ ઇલુ ઇલુ

રાજકોટમાં પૂર્વ કોર્પોરેટર અને મહિલા અધિકારી વચ્ચે પ્રેમ સંબંધનો મુદ્દો ચર્ચાનો વિષય બન્યો હતો. ભાજપના પૂર્વ કોર્પોરેટરનું મહિલા અધિકારી સાથે ઇલુ ઇલુ હોવાની વાતો વહેતી થઇ હતી..  વળી પૂર્વ કોર્પોરેટરને ભાજપના જૂના જૂથનો સાથ હોવાની પણ વાત સામે આવી હતી.સેનેટરી વિભાગના એક મહિલા ઑફિસર સાથે ઇલુ ઇલુ હોવાની ચર્ચા વેગવંતી બની હતી.  આ મહિલા ઑફિસરની બદલી ન કરવા માટે પૂર્વ કોર્પોરેટર દ્વારા દબાણ કરાતુ હોવાની પણ વાતો સામે આવી હતી. ત્યારે ભાજપના જૂના કોર્પોરેટર સામે નવા ચૂંટાયેલા કોર્પોરેટરે વિરોધ નોંધાવી મ્યુનિસિપલ કમિશન સુધી વાત પહોંચાડી દેતા અંતે સેનેટરી વિભાગના મહિલા ઑફિસરની બદલી કરવામાં આવી હતી.