વાયરલ / 'છોલે ભટૂરે ખાઓ, વજન ઘટાઓ', દિલ્હીની આ રેસ્ટોરન્ટની ઑફર જોઇ યુઝર્સ ચોંકી ઉઠ્યા, લીધી અનોખી મજા

કહેવાય છે કે પાતળુ અને સ્વસ્થ્ય રહેવા માટે એક્સરસાઈઝની સાથે હેલ્ધી ભોજન પણ જરૂર હોય છે. ઓછામાં ઓછા તેલ મસાલા અને સારી લાઈફસ્ટાઈલ ખૂબ જરૂરી છે. પરંતુ ભોજનના શોખીનોને આ બધી વસ્તુઓથી કોઈ ફરક નથી પડતો.

ઘણા લોકો હેલ્ધી રહેવા માટે ડાયેટ કરે છે. બાદમાં ચીટ ડેની આતુરતાથી રાહ જોતા હોય છે. આવા લોકોનું ધ્યાન દિલ્હીની એક દુકાન પર લાગેલુ પોસ્ટર ખેંચી શકે છે. જેમાં લખ્યું છે કે 'છોલે ભટૂરે ખાઈને વજન ઘટાડો.'

આ દુકાન છે દિલ્હીમાં ગોપાલજીના છોલે ભટૂરેની. છોલે ભટૂરે એવી વસ્તુ છે જે કેલેરીથી ભરપૂર માનવામાં આવે છે. એવામાં અજીબ વાત એ છે કે આ દુકાન પર લખ્યું છે- "છોલે ભટૂરે ખાઓ, વજન ઘટાઓ, બીમારી ભગાઓ". હવે આ કેવી રીતે સંભવ છે. હકીકતે એક X યુઝરે તેનો ફોટો પોસ્ટ કર્યો છે. તેના કેપ્શનમાં તેમણે લખ્યું છે- બસ દિલ્હીમાં જ જોવા મળી શકે છે કે, "છોલે ભટૂરે ખાઓ, વજન ઘટાઓ, બીમારી ભગાઓ."

વધુ વાંચો: વર્ચ્યુઅલ આધાર કાર્ડ, શું તમે જાણો છો કે તેનો ઉપયોગ ક્યાં-ક્યાં થાય છે? હા, તો આ રીતે મંગાવો ઘરે બેઠાં

તેમની પોસ્ટ વાયરલ થઈ ગઈ અને ઈન્ટરનેટ યુઝર્સ તેના પર કમેન્ટ્સ કરી રહ્યા છે. એક યુઝરે કમેન્ટ કર્યું, તેમાંથી કોઈ પણ શબ્દ એકબીજા સાથે જોડાયેલો નથી લખ્યું છે, છોલે ભટૂરે આખો અને વજન ઘટાડો. અન્ય એક યુઝરે લખ્યું- ગજબ, હવે ઘણા બ્રાન્ડ કોઈ પણ વસ્તુને 100 ટકા ઓર્ગેનિક બતાવીને માર્કેટમાં ઉતારી રહ્યા છે જ્યારે આ પ્રકારનું ભોજન દરેક રીતે રિસ્કી છે. એક યુઝરે લખ્યું- આ હકીકતે કોઈ ઓફર છે તો પુરાવો આપવો જોઈએ નહીં તો આવી માર્કેટિંગ ન કરો.