લેવિસ નામના કર્મચારીએ ટોઈલેટ પેપર પર રાજીનામું લખીને પોતાના બોસને સોંપ્યું અને પછી જે થયું...
સોશિયલ મીડિયા પર વાયરલ થઈ રહી છે તસ્વીર
વ્યક્તિએ ટોઈલેટ પેપર પર આપ્યુ રાજીનામું
જોઈને ઈન્ટરનેટ પર છવાયો ફોટો
સોશિયલ મીડિયા (Social Media) એક એવી જગ્યા છે. જ્યાં દેશ-દુનિયાની અજીબો ગરીબ (Weird News) ખબરો જોવા અને વાંચવા મળે છે. આજે ફરી એક ફોટો ખૂબ જ વાયરલ થઈ રહ્યો છે. આ વાયરલ તસ્વીરને જોઈને લોકો દંગ રહી ગયા છે. તમને ખબર જ હશે કે હાલના સમયમાં નોકરી મેળવવી ખૂબ જ મુશ્કેલીનું કામ છે. નોકરી માટે લોકોને ખૂબ જ મહેનત કરવી પડે છે તેમ છતાં લોકોને નોકરી નથી મળતી. માટે જેની પાસે નોકરી છે તે તેજ નોકરી સાથે જોડાઈ રહેવામાં જ માને છે.
બીજી તરફ એક શખ્સ એવો પણ છે. જેણે પોતાની નોકરીમાંથી ખૂબ જ અજીબ રીતે રાજીનામું (Toilet Paper Resignation) આપ્યું છે. અને હવે આ રાજીનામાની ચર્ચા દરેક જગ્યા પર થઈ રહી છે. સોશિયલ મીડિયા પર આ વ્યક્તિનો રેઝીગ્નેશન લેટર (Resignation on Toilet Paper) વાયરલ થઈ રહ્યો છે. આ શખ્સે ટોઈલેટ પેપર પર લખીને પોતાનું રાજીનામું આપ્યું છે.
ટોઈલેટ પેપર પર લખ્યું રાજીનામું
એક રિપોર્ટ અનુસાર લેવિસ નામના આ કર્મચારીએ ટોઈલેટ પેપર પર રાજીનામુ લખીને પોતાના બોસને સોંપી દીધુ અને પછી આ રાજીનામાને સોશિયલ મીડિયા પ્લેટફોર્મ 'રેડિટ' (Reddit) પર પોસ્ટ કરી દીધુ. અહીંથી આ રાજીનામું લોકોના મનોરંજનનું સાધન બની ગયું. લોકો પુછી રહ્યા છે કે એવું શું થઈ ગયું કે વ્યક્તિને પોતાનું રાજીનામુ ટોઈલેટ પેપર પર સોંપવું પડ્યું.
રાજીનામામાં બનાવ્યું એક કાર્ટૂન
લેવિસે ટોઈલેટ પેપર પર પોતાના રાજીનામામાં લખ્યું, "હું 25 તારીખે જતો રહીશ." ની સાથે જ તેણે પેપર પર એક કાર્ટૂન પણ બનાવ્યું છે. લેવિસે કાર્ટૂનમાં પોતાની જાતને દર્શાવ્યો છે. હવે જ્યારે લાવિસે પોતાનું રાજીનામુ ટોયલેટ પેપરમાં લખી દીધુ છે તો શું તમે એ જાણવા માંગો છો કે તેને લઈને બોસનું શું રિએક્શન હતું?
આવું હતુ બોસનું રિએક્શન
જણાવી દઈએ કે લેવિસનું ટોઈલેટ પેપર પર લખેલું આ રજાનામું બોસને પણ પસંદ આવ્યું હતું. લેવિસે જણાવ્યું કે તેના બોસને તેનું રાજીનામું પસંદ આવ્યું હતું કારણ કે તે ખૂબ જ આરામથી નોકરી કરી રહ્યો હતો અને તેના કામથી તેના બોસ ખૂબ જ ખુશ હતા.