આકરી ગરમીથી બચવા માટે લોકો ઠંડા પીણાનો સહારો લે છે ત્યારે એક બાઇક ચાલકે તો ગરમીથી બચવા અનોખો ઉપાય અજમાવ્યો
ભારતીયોનો ગજબનો જુગાડ
ગરમીથી બચવા માટે અનોખી તરકીબ
કાર્ડબોર્ડ પહેરીને ગરમીથી મેળવ્યુ રક્ષણ
એપ્રિલનો મહિનામાં કાળઝાળ ગરમી પડી રહી છે. લોકોને કામ સિવાય ઘરની બહાર ન નીકળવાની અપીલ કરવામાં આવી રહી છે. ઉનાળો આકરો બની રહ્યો છે તેવામાં ગરમીથી બચવા માટે સોશિયલ મીડિયામાં અનોખા નુસખા વાયરલ થઇ રહ્યા છે. ત્યારે વધુ એકવાર એવો જુગાડ સામે આવ્યો છે કે જાણીને એમ થશે કે અરે, આતો જબરુ શોધી લાયો હોં.
ગરમીથી બચવા અનોખો જુગાડ
ભારત પહેલેથી જ લોકોના જુગાડુ વિચારો માટે પ્રખ્યાત છે. આવી સ્થિતિમાં કેટલાક લોકો તેમની દરેક સમસ્યાનું કોઈને કોઈ સમાધાન શોધી કાઢે છે. સોશિયલ મીડિયા પર એક ફોટો ખૂબ જ વાયરલ થઈ રહ્યો છે.
એક IAS અધિકારીએ ફોટો શેર કરીને ટ્વીટ કરતા જણાવ્યું કે 'પૃથ્વી પર એવી કોઈ સમસ્યા નથી, જેનું સમાધાન ભારતમાં ન હોય...!!'. આ ફોટામાં, બે બાઇક સવારો ગરમીથી બચવા માટે કાર્ડબોર્ડના શેડથી ગરમીથી રક્ષણ મેળવતા જોવા મળી રહ્યા છે. માત્ર હાથ જ બાઇક ચલાવવા માટે બહાર છે બાકી આખુ શરીર ઠંકાય તે રીતે કાર્ડબોર્ડ પહેરીને ગરમીમાં બહાર નીકળ્યા છે. આ જુગાડ જોઈને ઘણા સોશિયલ મીડિયા યુઝર્સ ઉત્સાહિત થઈ ગયા.
લોકો ફોટાના ચાહક બની ગયા
આવા અદ્ભુત વિચારને જોઈને લોકો પોતાનો અભિપ્રાય કોમેન્ટના રૂપમાં લખી રહ્યા છે. કેટલાક યુઝર્સ કહે છે કે જરૂરિયાત તમને આવી શોધ તરફ દોરી જાય છે. કેટલાક કહે છે કે આ સમસ્યાનો ઉકેલ નથી પરંતુ અભાવની નિશાની છે.