પ્રસૂતિનું નવું મશીન / VIDEO : ગર્ભવતી મહિલાને સુવડાવીને ટેબલ ફેરવવાનું, પળમાં બાળક બહાર, ડિલિવરીની હેરતઅંગેજ ટેકનીક

એક નવી ટેકનીક દ્વારા મહિલાની ડિલિવરીનો વીડિયો સામે આવ્યો છે. આ ટેકનીકમાં ગર્ભવતી મહિલાને ટેબલ સાથે બાંધવામાં આવે છે પછી જ્યારે પ્રસવ પીડા ઉપડે ત્યારે ટેબલને નક્કી કરવામાં આવ્યાં પ્રમાણે, ગોળ ગોળ ફેરવવામાં આવે છે. ટેબલની સ્પીડ ક્યારેક 8જી સુધી પહોંચે છે, આ સ્પીડે પાઈલટ ફાઈટર જેટ ઉડાવતાં હોય છે. ફરવાની સ્પીડ મહિલાની સ્થિતિને આધારે ફેરફાર કરાય છે, આનાથી પેદા થતી તાકાતને કારણે બાળક ગર્ભાશયની બહાર ધકેલાય છે.

કેવી રીતે થાય છે ડિલિવરી

એક વાર બાળક બહાર આવી જાય પછી ટેબલને છેવાડે લગાડવામાં આવેલી નરમ જાળીમાં બાળકને ઝીલી લેવામાં આવે છે અને બાળકને ઘોડિયાની જેમ સુવડાવી દે છે તેને કારણે બાળકને કોઈ ઈજા થતી નથી. આ સિસ્ટમમાં એક બેલ પણ ફિટ કરાયેલો હોય છે અને જ્યારે બાળક સહિ સલામત રીતે બહાર આવી જાય ત્યારે બેલ રણકે છે અને ઓલ ઈઝ વેલનો સંકેત આપી દે છે. બાળકની સુખરુપ ડિલિવરી થયા બાદ ટેબલ ફરતું અટકી જાય છે અને મધરને ટેબલ પરથી છોડી દેવામાં આવે છે અને નવજાતનું મેડિકલ ચેકઅપ કરવામાં આવે છે. આ પ્રોસેસ દરમિયાન કોઈ અડચણ આવે તો તેને તાત્કાલિક અટકાવી દેવા માટે એક ઈમરજન્સી બટન પણ આપેલું હોય છે.

વધુ વાંચો : VIDEO : કપડાં નહીં કેળનું આખું પાંદડું પહેરીને કામ કરતી છોકરીનો વીડિયો વાયરલ, લોકોએ કહ્યું 'પાંદડું હટે તો'

હાથીની ડિલિવરી જોઈને મશીન બનાવાનો આવ્યો વિચાર

ડિલિવરીની આ નવી ટેકનીક 1963ની સાલમાં અમેરિકન માઈનિંગ એન્જિનિયર જ્યોર્જ બ્લોન્સ્કી અને તેમની પત્નીએ શોધી હતી. ઝૂની વિઝિટ વખતે હાથીની ડિલિવરી જોઈને તેમને ફરતા મશીનમાં મહિલાની ડિલિવરીનો વિચાર આવ્યો હતો. તેમણે જોયું કે ગર્ભવતી હાથણી પહેલા ખૂબ ગોળ ગોળ ઘુમે છે પછી જ તેના બચ્ચાંને જન્મ આપે છે અને જોઈને તેમને વિચાર આવ્યો કે કેન્દ્રથી દૂર લાગતી તાકાત બાળ જન્મમાં મદદ કરી શકે છે.

બધા જ સમાચાર અને અપડેટ્સ મેળવવા માટે પ્લે સ્ટોર/ એપ સ્ટોર પર જઈને અથવા આ લાઈન પર ક્લિક કરીને ડાઉનલોડ કરો અમારી લેટેસ્ટ એપ