લોકડાઉનના કારણે સમયનું ચક્ર જાણે ફરી ગયું હોય તેવું લાગી રહ્યું છે. અત્યારે માણસો ઘરમાં પૂરાઈ રહેવા મજબૂર છે ત્યારે ઘણા પ્રાણીઓને મજા પડી ગઈ છે જેના વીડિયો સોશિયલ મીડિયામાં ખૂબ વાયરલ થઇ રહ્યા છે.
હાલમાં સોશિયલ મીડિયામાં હાથીનો વીડિયો વાયરલ
વાયરલ વીડિયો દેહરાદૂનનો હોવાનો દાવો
લોકડાઉન બાદથી જ ઘણી જગ્યાએ પ્રાણીઓ બહાર નીકળી રહ્યા છે
લોકડાઉનનાં કારણે રસ્તા પર વાહનોની અવરજવર બંધ છે. જેના કારણે ઘણા બધા પ્રાણીઓ આજકાલ રસ્તા પર જોવા મળી શકે છે. ક્યાંક મોર નાચી રહ્યા છે તો ક્યાંક ચકલીઓ પણ પરત ફરી છે. પ્રદૂષણ પણ ઓછું થવા લાગ્યું છે ત્યારે હાલમાં સોશિયલ મીડિયામાં હાથીનો વીડિયો ખૂબ વાયરલ થઇ રહ્યો છે.
ટ્વીટર વાયરલ થઇ રહેલા વીડિયોમાં દાવો કરવામાં આવી રહ્યું છે કે વીડિયો દેહરાદૂનનો છે. વીડિયોમાં એક હાથી રસ્તા પર આરામથી ચાલતા દેખાઈ રહ્યો છે. જ્યાં સામેથી એક દૂધવાળો આવતો દેખાય છે.
આ વીડિયો આઈએસએસ અધિકારી વૈભવ સિંહે શેર કર્યો છે. જ્યારે હાથી આરામથી જઈ રહ્યો છે ત્યારે જ એક દૂધવાળો ત્યાં આવે છે થોડીવાર માટે બંને એકબીજાને જોઈ રહે છે પછી હાથીની બીકના લીધે તે દૂધવાળો બાઈક ત્યાં જ છોડીને ભાગી જાય છે.
સોશિયલ મીડિયામાં આ વીડિયો ખૂબ વાયરલ થઇ રહ્યો છે જેમાં લોકો દૂધવાળાનું મજાક ઉડાવી રહ્યા છે. વીડિયો પરથી ઘણા મીમ પણ બની રહ્યા છે. લોકો તેના પર રમૂજી પ્રતિક્રિયાઓ આપી રહ્યા છે.