ઘણી વખત મોટી કંપનીઓ સાથે મોટી ભૂલ થઈ જાય છે, જેના કારણે તેમણે કોર્ટના દ્વારે આવવુ પડે છે. વિશ્વભરમાં હવે આ વાતો સામાન્ય થઇ ગઇ છે. હાલમાં લંડનની એક ઘટના ચર્ચિત થઈ છે.
કંપનીના બોસે મહિલાને ઘરે જવાની રજા ના આપી
કંટાળેલી મહિલાએ એમ્પ્લોયમેન્ટ ટ્રીબ્યુનલ કોર્ટમાં કરી ફરિયાદ
કોર્ટે કંપનીને આશરે 2 કરોડ રૂપિયા ચૂકવવાનો કર્યો આદેશ
બાળકની સારસંભાળ માટે જવુ હતુ ઘર
ખરેખર, લંડનની એક કંપનીમાં કામ કરનારી એલિસ નામની મહિલાએ પોતાના હેડ પાસે 1 કલાક વહેલા જવાની રજા માંગી હતી. પરંતુ હેડે ઈન્કાર કરતા મહિલાએ કોર્ટના દ્વાર ખખડાવ્યાં. બ્રિટનમાં લંડનની એક કંપનીમાં કામ કરતી એલિસ પોતાની પુત્રીની સારસંભાળ રાખવા માટે તેના બોસ પાસે ઘરે જલ્દી જવાની રજા માંગી હતી. મહિલાએ કહ્યું હતું કે, તેને અઠવાડિયામાં 4 દિવસ 1 કલાક વહેલા જવુ પડશે. કારણકે તેણે પોતાની દીકરીને સ્કૂલમાંથી લેવાની છે. પરંતુ તેના બોસે સ્પષ્ટ ઈન્કાર કરી દીધો. તો મહિલાએ રાજીનામું ધરીને એમ્પ્લોયમેન્ટ ટ્રીબ્યુનલ કોર્ટમાં ફરિયાદ કરી.
કંપનીએ ચૂકવવા પડ્યા આશરે 2 કરોડ રૂપિયા
રિપોર્ટ મુજબ, મહિલાએ એમ્પ્લોયમેન્ટ ટ્રીબ્યુનલ કોર્ટમાં પોતાનો પક્ષ મુક્યો અને પછી કંપનીએ પણ પોતાનો ત્યાં પ્રતિનિધિ મોકલ્યો. કોર્ટે બંને પક્ષોની દલીલો સાંભળી અને પછી મહિલાના હિતમાં ચુકાદો આપ્યો. કોર્ટે કંપનીને આદેશ આપ્યો કે કંપની વહેલી તકે મહિલાને 1 લાખ 80 હજાર યુરો દંડ પેટે આપે. ભારતીય ચલણમાં આ રકમ લગભગ 2 કરોડ રૂપિયા છે.