સોશિયલ મીડિયામાં એક છોકરીનો લવલેટર વાયરલ થયો છે અને તેમાં તેણે રિસાયેલા પ્રેમીને મનાવવા જે શબ્દો વાપર્યાં જે જાણીને હસી હસીને લોકો ગાંડા થયા હતા.
રિસાયેલા પ્રેમીને મનાવવા પ્રેમિકાએ લખ્યો લવલેટર
દેશી ભાષામાં પ્રેમીને મનાવી રહેલી પ્રેમિકાનો લવલેટર થયો વાયરલ
પ્રેમી માટે વાપર્યાં કબૂતર, જાનુ, રાજા, ફૌજી, ટમેટા, રસગુલ્લા જેવા શબ્દો
પહેલાના સમયમાં પ્રેમીપંખીડા પોતાના પ્રેમપત્રો વ્યક્ત કરતા હતા, જે પાછળથી લવ લેટર તરીકે ઓળખાવા લાગ્યા હતા. આ પ્રેમ પત્ર લાંબા સમય સુધી ચાલ્યો. પ્રેમમાં રીસામણાં-મનામણાં સામાન્ય વાત છે રીસાયેલા લોકોને મનાવવા પણ આવા લવલેટર ખૂબ કામમાં આવતા જોકે મોબાઇલ ફોન આવ્યા બાદ પ્રેમપત્રોનો જમાનો લગભગ જતો રહ્યો છે. સોશિયલ મીડિયા પર વાયરલ થઈ રહેલી એક પોસ્ટે જૂના જમાનાના પ્રેમપત્રોની યાદો તાજી કરી દીધી છે.
લવલેટરમાં લખેલા શબ્દો વાંચીને હસી-હસીને ગાંડા થયા લોકો
આ પોસ્ટમાં એક ખૂબ જ ફની લવ લેટરની તસવીર શેર કરવામાં આવી છે, જે હવે વાયરલ થઇ રહી છે. ફની લેટર વાંચીને હસી હસીને લોકો ગાંડા થયા છે. આ પત્રમાં એક ગર્લફ્રેન્ડે તેના રીસાયેલા બોયફ્રેન્ડને પોતાના શબ્દો દ્વારા મનાવવાનો પ્રયાસ કર્યો છે. છોકરીએ પત્રમાં જે પ્રકારની વાતો લખી છે તે વાંચીને તમને હસવું આવી જશે. ગર્લફ્રેન્ડે આ લેટરમાં તેના બોયફ્રેન્ડને ઘણા ફની નામોથી સંબોધીને તેને મનાવી લીધો છે. તેણે પોતાના પ્રેમીના કબૂતર, મુન્ના, જાનુ, રાજા, ફૌજી, ટામેટા અને રસગુલ્લા જેવા નામોનો ઉપયોગ કર્યો છે.
ગર્લફ્રેન્ડે શું લખ્યું પત્રમાં
આ પત્રમાં ગર્લફ્રેન્ડે ભાંગીતૂટી હિંદીમાં લખ્યું કે 'જાનુ, મને તારા પર શંકા નથી, પરંતુ હું કોઈ છોકરીને તારી સાથે વાત કરતી જોઉં છુંને ત્યારે મારા દિલમાં ખૂબ દુખ થાય છે. જાનુ, તું કોઈ છોકરી સાથે વાત ન કરે. હું તમારા વિશે ગેરસમજ નથી કરતી, તને પ્રેમ કરું છું, તેથી જ હું આવું કહું છું. જો કંઈ ખોટું થયું હોય તો હું દિલગીર છું. આ પછી તેમણે લખ્યું, કબૂતર હવે તો માની જાવ. ન માન તો તારી મરજી પણ જાનું તું તે છોકરીના ઘેર ન જા. આઈ લવ યુ, આઈ લવ યુ, આઈ લવ યુ સોરી મુન્ના, કંઈક ખોટું લખાયું હોય તો મારું કબૂતર, જાનુ, રાજા, ફૌજી, ટમેટા, રસગુલ્લા. તમે મને યાદ આવો છો.
હસી-હસીને બેવડ વળી ગયા લોકો
આ ફની લવ લેટર સોશિયલ મીડિયા પર વાયરલ થતા લોકો હસીહસીને ગાંડા થયા હતા. સાથે કોમેન્ટની પણ ઝડી લગાવી દીધી. એક યુઝરે લખ્યું, 'ક્યા નિક નામ રખા હૈ કબૂતર, ટામેટા, રસગુલ્લા', જ્યારે અન્ય એક યુઝરે મજેદાર અંદાજમાં લખ્યું છે કે, 'આ કબૂતર બહેનને ગૂંગળાવી દેશે, આવું ન કરો'. આવી જ રીતે અન્ય એક યુઝરે ફની અંદાજમાં લખ્યું છે કે, 'આ જોતા પહેલા મારી આંખો કેમ ન ફૂટી.