IFS અધિકારી પરવીન કાસવાન IFS ભારતીય વન સેવાઓના અધિકારી છે. તાજેતરમાં પરવીનને એક ખાનગી કંપની દ્વારા નોકરીની ઓફર કરવામાં આવી છે. તેણે એસએમએસનો સ્ક્રીનશોટ સોશિયલ મીડિયા પર શેર કર્યો છે.
IFS અધિકારીને મળી નોકરી
પ્રાઈવેટ કંપનીએ ઓફર કર્યો 9700રૂ. પગાર
અધિકારીએ સ્ક્રીન શોર્ટ કર્યો શેર
જો ભારતની સૌથી અઘરી પરીક્ષાઓમાં યુપીએસસીને ટોપ પર રાખવામાં આવે તો કદાચ ખોટું નહીં હોય. ઘણી વખત અત્યંત પ્રતિભાશાળી લોકો પણ પ્રી, મેન્સ અને ઈન્ટરવ્યુ જેવા ત્રણ તબક્કામાં આયોજિત આ પરીક્ષામાં ક્વોલિફાઈ નથી કરી શકતા. જ્યારે કોઈ વ્યક્તિ આટલી મહેનત કરીને પાસ કરે છે, ત્યારે તે તેના માટે તેમજ તેના પરિવાર અને તેની આસપાસના લોકો માટે મોટી વાત બની જાય છે.
પરંતુ શું તમે ક્યારેય એવું સાંભળ્યું છે કે કોઈ ખાનગી કંપનીએ UPSCમાંથી ઓફિસર બનેલા વ્યક્તિને નીચા રેન્કની નોકરી ઓફર કરી હોય? તાજેતરમાં એક ઓફિસર સાથે આવી જ ઘટના બની હતી.
ટ્વીટર પર શેર કર્યો ફોટો
IFS ઓફિસર પરવીન કાસવાન ભારતીય વન સેવાના અધિકારી છે અને તે ઘણીવાર ટ્વિટર પર પ્રાણીઓને લગતી પોસ્ટ શેર કરે છે. હાલમાં જ તેમણે એક પોસ્ટ શેર કરી છે જે ખૂબ જ ફની છે. આ સાથે લોકો તેમના વ્યંગ્ય કરવાના અંદાજને પણ પસંદ કરી રહ્યા છે. હકીકતે પરવીનને એક ખાનગી કંપની દ્વારા નોકરીની ઓફર કરવામાં આવી છે .
IFS ઓફિસરને નોકરીની મળી ઓફર
પરવીને તેના ફોન પર મળેલા એસએમએસનો એક વીડિયો શેર કર્યો છે જેમાં લખ્યું છે – “અમારી કંપનીમાં તમારા રિઝ્યૂમનું રિવ્યૂ કરવામાં આવ્યું છે. તમારો પગાર 9700 રૂપિયા હશે. આ પછી, એક WhatsApp લિંક પણ આપવામાં આવી છે, જેના પર ક્લિક કરીને સંપર્ક કરી શકાય છે. હવે કાં તો આ નકલી જોબ મેસેજ હોઈ શકે છે અથવા તે સાચો હોઈ શકે છે, પરંતુ બંને કિસ્સામાં પરિસ્થિતિ હાસ્યાસ્પદ બની રહી છે કારણ કે જે વ્યક્તિ આટલી મુશ્કેલ પરીક્ષા આપીને ઓફિસર બની ચૂક્યો છે અને સારા પગારમાં કામ કરી રહ્યો છે તે શા માટે આ જોબ કરશે?
અધિકારીએ લોકોને કર્યા એલર્ટ
પરવીને પણ આ પરિસ્થિતિને ફની રીતે હેન્ડલ કરી અને કેપ્શનમાં લખ્યું - "આખરે મને નોકરી મળી ગઈ, પણ હવે હું મૂંઝવણમાં છું કે મારે શું કરવું જોઈએ." આ ટ્વીટનો જવાબ આપતા પરવીને લોકોને એલર્ટ કરતા લખ્યું- "મિત્રો, આજકાલ આવા ફેક મેસેજ અથવા ઈ-મેલ મોકલીને લોકો નોકરીનું બહાનું કરીને ફસાયા છે. તેમના દ્વારા આપવામાં આવેલી લિંક પર ક્યારેય ક્લિક કરશો નહીં.