OMG / ઘરના સોફા પર બેસીને ગેમ રમી રહ્યો હતો શખ્સ, અચાનક પડી વીજળી, સળગવા લાગ્યા હાથ અને...

• ઘરમાં શાંતિથી બેસીને ગેમ રમી રહ્યો હતો શખ્સ 
• અચાનક તેના પર પડી વિજળી 
• શખ્સના થયા આવા હાલ 

વરસાદના દિવસોમાં વીજળી ચમકવી સામાન્ય બાબત છે. તમે તમારી આંખોથી અથવા સોશિયલ મીડિયાના વીડિયોમાં પણ વીજળી પડતી જોઈ હશે. પરંતુ શું તમે ક્યારેય કોઈ વ્યક્તિ પર વીજળી પડતી જોઈ છે? વીજળી પડવાથી લોકોના મોત થાય છે. પરંતુ ઈંગ્લેન્ડના એક વ્યક્તિ સાથે વીજળી પડ્યા બાદ એક વિચિત્ર ઘટના બની. 

સામાન્ય રીતે વીજળી તે લોકો પર પડે છે જેઓ વરસાદ દરમિયાન ખુલ્લી જગ્યાએ ઉભા હોય. પરંતુ જે વ્યક્તિની અમે વાત કરી રહ્યા છીએ તે વ્યક્તિ તેના ઘરમાં આરામથી બેસીને વીડિયો ગેમ રમી રહ્યો હતો જ્યારે તે તેની ઉપર વીજળી પડી. 

આરામથી ગેમ રમી રહ્યો હતો શખ્સ 
એક રિપોર્ટ અનુસાર, 33 વર્ષીય એડન રોવન એક ગે મેન છે અને તે તેના પતિ અરન સાથે ઈંગ્લેન્ડના ઓક્સફોર્ડશાયરમાં રહે છે. અડન તેના ઘરે ગયા સોમવારે રાત્રે 10.30 વાગ્યે પ્લે સ્ટેશન પર વીડિયો ગેમ રમી રહ્યો હતો તે સમયે અચાનક તેણે જોરદાર ગર્જના સાંભળી અને તરત જ તેના શરીરમાં એક વિચિત્ર જલન મહેસૂસ કરી. 

ઘરની અંદર આવી ગઈ વીજળી
એડન અચાનક જમીન પર પડી ગયો પરંતુ થોડીવારમાં જ તેને હોશ આવી ગયો. તે તેના પતિ પાસે ગયો અને કહ્યું કે અચાનક તેના હાથમાં બળતરા થાય છે. હાથ પર ફોલ્લા દેખાવા લાગ્યા હતા, જેને જોઈને બંને દંગ રહી ગયા હતા. 

હાથમાંથી પસાર થયો કરંટ 
જ્યારે અરને તેને જોયો તો તે તેને લઈને હોસ્પિટલ દોડ્યો. તેને થોડા કલાકો સુધી ઓબ્ઝર્વેશનમાં રાખવામાં આવ્યો હતો અને પછી દુખાવાની દવા આપ્યા બાદ રજા આપવામાં આવી હતી. અડનને પછી ખબર પડી કે તેના પર વીજળી પડી હતી અને કરંટ પસાર થવાને કારણે તેને બળતરા થઈ અને તે બેભાન થઈ ગયો. અડન જે ગેમ રમી રહ્યો હતો તેનું નામ સ્ટ્રે હતું, જેમાં લોકો વરસાદ અને વીજળી વચ્ચે એક રખડતી બિલાડીને તેના ઘરે લઈ જાય છે.

હાથ પર પડી ગયા નિશાન
અડને જણાવ્યું કે જ્યારે તે અરન પાસે ગયો ત્યારે તેણે પૂછ્યું કે સળગવાની ગંધ ક્યાંથી આવી રહી છે, તો અડન સમજી ગયો કે તેનું શરીર ખરેખર બળી રહ્યું છે. તેણે ભીનો ટુવાલ માંગ્યો પણ ફોલ્લા વધુ વધી રહ્યા હતા. 

પછી અરને તેના માતા-પિતાને ફોન કર્યો અને બધું કહ્યું અને તેમની મદદથી અડનને હોસ્પિટલ લઈ ગયો. ઘરની અંદર વીજળી કેવી રીતે આવી તે એઇડન સમજી શકતો નથી. ડૉક્ટરોએ અનુમાન લગાવ્યું કે વીજળી પાણી સાથે અથડાઈ અને બારીમાંથી પ્રવેશી હશે. હવે એડનનું શરીર સ્વસ્થ થઈ ગયું છે પરંતુ નિશાન પડી ગયા છે.