શૉકિંગ / માતાના ગાજર ખાતા જ ગર્ભમાં રહેલા બાળકે આપી સ્માઈલ! વૈજ્ઞાનિકોને શોધમાં જાણવા મળી ચોંકાવનારી વાતો

• ગર્ભમાં જ બાળકને થવા લાગે છે સ્વાદની પરખ 
• ગાજર અને લીલા શાકભાજી ખાવા પર આપી આવી પ્રતિક્રિયા 
• ગાજરના સ્વાદથી હસવા લાગ્યા બાળકો 

નાના બાળકોને લીલા શાકભાજી ખાવાનું બિલકુલ પસંદ નથી. જ્યારે તમે પણ નાના હતા ત્યારે તમે પાલક, ભીંડા, દૂધી જેવા શાકભાજી જોઈને જ મોઢુ બગાડવા લાગતા હતા. પરંતુ હવે વૈજ્ઞાનિકોએ એક એવી ચોંકાવનારી વાત શોધ કરી છે જે જાણીને તમે ચોંકી જશો. ઈંગ્લેન્ડના વૈજ્ઞાનિકોએ દાવો કર્યો છે કે જન્મ પહેલા જ એટલે કે ગર્ભાશયમાં રહેલો ગર્ભ પણ માતાના ગાજર ખાવાથી ખીલે છે લીલા શાકભાજી ખાવાથી તેનો ચહેરો મુરજાઈ જાય છે.

જન્મ પહેલા જ સ્વાદ અને ગંધ પર બાળક આપે છે પ્રતિક્રિયા 
એક રિપોર્ટ અનુસાર ડુરહૈમ યુનિવર્સિટીના અભ્યાસ અનુસાર, ફેટલ એન્ડ નિયોનેટલ રિસર્ચ લેબમાં એક સંશોધન કરવામાં આવ્યું હતું જે મહિલાઓના ગર્ભમાં ઉછરી રહેલા બાળકો પર હતું. આ સંશોધન દર્શાવે છે કે બાળકો જન્મ પહેલાં જ સ્વાદ અને ગંધ માટે અલગ રીતે પ્રતિક્રિયા આપવાનું શરૂ કરે છે. ખોરાકમાં તેમની પસંદ અને નાપસંદ જન્મ પહેલાં જ વિકસિત થાય છે.

100 મહિલાઓ પર કરવામાં આવ્યું સંશોધન 
ગયા બુધવારે પ્રકાશિત થયેલા રિપોર્ટ અનુસાર 4D અલ્ટ્રાસાઉન્ડ સ્કેન દ્વારા 100 મહિલાઓ પર સંશોધન કરવામાં આવ્યું. તમામ મહિલાઓ 18 થી 40 વર્ષની અને 32 થી 36 અઠવાડિયાની ગર્ભવતી હતી. જેમાંથી 35 મહિલાઓને ઘાટ્ટા રંગની કોબીજમાંથી બનાવેલી કેપ્સ્યુલ ખવડાવવામાં આવી હતી જ્યારે 35 મહિલાઓને ગાજરની બનેલી કેપ્સ્યુલ ખવડાવવામાં આવી હતી. ત્યાં જ બાકીની 30 મહિલાઓને બંને ફ્લેવરની કેપ્સ્યુલ આપવામાં આવી ન હતી.

So here it is. The first direct evidence that the human fetus shows facial responses to flavours from maternal diet. Can you guess which fetus’s mum had kale, and which had carrot? @AstonPsychology @AstonPeach @Aston_IHN link to study in comments. pic.twitter.com/sieGX9vpP8

— Prof. Jackie Blissett (@profblissett) September 22, 2022

ગાજરના સ્વાદથી હસવા લાગ્યા બાળકો 
મહિલાઓને સ્કેનના દિવસે ગાજર અથવા ઘાટા રંગની કોબી ન ખાવા અને સ્કેનના 1 કલાક પહેલા કંઈપણ ખાવા કે પીવાનો ઈનકાર કરવામાં આવ્યો હતો. જ્યારે તેમને કેપ્સ્યુલ ખવડાવવાની 20 મિનિટ પછી સ્કેન કરવામાં આવ્યું ત્યારે જાણવા મળ્યું કે જે મહિલાઓએ ગાજરવાળી કેપ્સ્યુલ ખાધી હતી તેમના બાળકોના ચહેરા પર સ્મિત જોવા મળ્યું હતું, જ્યારે કોબી કેપ્સ્યુલ ખાતી મહિલાઓના બાળકોના ચહેરા પર સ્મિત જોવા ન હતુ મળ્યું. 

ગર્ભમાં જ સ્વાદ અને ગંધને ઓળખવા લાગે છે બાળકો 
આ સંશોધનના મુખ્ય સંશોધક બેઝા ઉસ્તુને કહ્યું - "અમે આ સંશોધન કરવાનું નક્કી કર્યું છે જેથી અમે જાણી શકીએ કે ગર્ભમાં સ્વાદ અને ગંધને સમજવાની કેટલી ક્ષમતા છે." તેમણે કહ્યું કે આ અભ્યાસ સ્પષ્ટપણે દર્શાવે છે કે ગર્ભાવસ્થાના છેલ્લા 3 મહિનામાં ભ્રૂણ એટલું મેચ્યોર થઈ જાય છે કે તે માતા દ્વારા ખાવામાં આવેલા કોઈ પણ ટેસ્ટને ઓળખી શકે છે.