ટિકટોક બૅન થયા બાદ ભારતથી આ એસ્ટર ફૂલને રોજના 9 કરોડથી વધારે ભારતીયો જોઈ રહ્યા છે અને લાઈક કરી રહ્યા છે.
Aster ફૂલના ફોટાને મળી રહ્યા છે લાઈક્સ
રોજના 9 કરોડથી પણ વધુ ભારતીયો કરે છે લાઈક
Tiktok બૅન થયા બાદ ભારતમાં બની આ ઘટના
દુનિયામાં ક્યારે શું વાયરલ થઈ જાય કંઈ ખહી શકાતું નથી. હાલમાં એક ફૂલ છે જેને ભારતીયો ખૂબ જ પસંદ કરી રહ્યા છે, એસ્ટર નામથી લોકપ્રિય થયેલું આ ફૂલ રોજના 9 કરોડ લોકો પસંદ કરી રહ્યા છે. માનવામાં આવી રહ્યું છે કે આવું Tiktokના બૅન થવાના આદેશ બાદ થયું છે. આવી છે સમગ્ર ઘટના.
9 કરોડ લોકોની પસંદ બની રહ્યું છે આ ફૂલ
એક ફૂલના ફોટોને અચાનક જ રજના લગભગ 9 કરોડ લોકો પસંદ કરી રહ્યા છે. અચરજની વાત તો એ છે કે ફોટો પર મળનારા લાઈક્સ ભારતથી આવી રહ્યા છે. પર્પલ કલરનું આ એસ્ટર ફૂલ સામાન્ય રીતે અમેરિકાના ઉત્તર પૂર્વી વિસ્તારોમાં મળે છે. એસ્ટરની વિકિપિડિયાની ઈમેજ અચાનક ભારતમાં હિટ થઈ રહી છે અને Tiktok બૅન કરવાના નિર્ણયથી તેને જોડવામાં આવી રહ્યું છે.
How transparent is Wikimedia?
Check out this actual, live ticket about an ongoing mystery. 20% of all requests to one of our data centers for media are for this image of a flower. Nobody knows why.https://t.co/IHrzpKGVbjpic.twitter.com/Cbw6pC9txd
વિકિપિડિયાના મશીન લર્નિંગ વિભાગથી મળતી માહિતી અનુસાર લાઈક્સમાં અચાનક વધારો થવાનું કારણ સોશ્યલ નેટવર્કિંગ સાઈટ ટ્વિટર પર પોસ્ટ કરાયું હતું. તેઓએ આ ફૂલનો ફોટો શેર કરતાં લખ્યું કે આ વિચિત્ર કેસ છે અને સાથે જ કોઈ રહસ્યથી ઓછો નથી. તેઓએ આશ્ચર્ય સાથે કહ્યું કે તેમના ડેટા સેન્ટર પર આવનારી રિકવેસ્ટમાં 20 ટકા આ ફૂલ માટે છે.
અચાનક બન્યો ફોટોને લાઈક કરવાનો ટ્રેન્ડ
ફોટો પર અચાનક વધી રહેલો ગ્રાફ ચોંકાવનારો છે. તેની પર આવનારા ટ્રાફિકનો સ્ટડી કરાયો છે. ફોટો પર આવનારા લાઈક્સના આઈપી અલગ અલગ છે પણ દરેકની ટ્રાફિક પેટર્ન સમાન છે. શક્ય છે ભારતમાં વપરાતી કોઈ એપથી આવું કરાયું હોય.
Tiktok બૅન થયા બાદ વધ્યો ગ્રાફ
આ ફોટોનો ગ્રાફ સ્ટડી કર્યા બાદ કેટલીક રોચક વાતો સામે આવી છે. 8 જૂન 2020 પહેલાં ફૂલ પર રોજ લગભગ 100 નો ટ્રાફિક આવતો હતો. 9 જૂન 2020ના રોજ આ સંખ્યા 2154 સુધી પહોંચી. 30 જૂન 2020 સુધી તે 1.5 કરોડ લોકોએ પસંદ કરી. ઉલ્લેખનીય છે કે ભારત સરકારે ટિકટોક સહિત અનેક ચાઈના એપને 29 જૂન 2020એ બૅન કર્યા હતા.