કોળી સમાજ દ્વારા વીરમાંધાતાની શોભાયાત્રાનું આયોજન સાંસદ શંકર વેગડ સહિત મોટી સંખ્યામાં લોકો જોડાયા

સુરેન્દ્રનગરઃ સમગ્ર રાજ્યમાં અલગ-અલગ દિવસે કોળી સમાજના ઇષ્ટદેવ વીરમાંધાતાની શોભાયાત્રાનું આયોજન કરવામાં આવી રહ્યું છે. ત્યારે સુરેન્દ્રનગરમાં સમસ્ત કોળી સમાજ દ્વારા વીરમાંધાતા શોભાયાત્રાનું આયોજન કરવામાં આવ્યું હતું. જેમાં મોટી સંખ્યામાં કોળી સમાજના લોકો જોડાયા હતા. શહેરના ઉપાસના સર્કલથી શરૂ થયેલી આ શોભાયાત્રા શહેરના મુખ્ય માર્ગો પર ફરી હતી. જેમાં કોળી સમાજના યુવાનો અને લોકો ડી.જે. અને ઢોલ નગારાના તાલે ઝૂમ્યા હતા અને જય માંધાતાના નાદ સાથે નારાઓ લગાવ્યા હતા. કોળી સમાજની આ શોભાયાત્રામાં રાજ્યસભાના પૂર્વ સાંસદ શંકર વેગડ પણ જોડાયા હતા.

કોળી સમાજના ઇષ્ટદેવ શ્રી વીરમાંધાતાને સમગ્ર કોળી સમાજમાં શ્રદ્ધા અને આસ્થાનું પ્રતીક માનવામાં આવે છે. ત્યારે શ્રી વીરમાંધાતાની જન્મજયંતિ નિમિતે સુરેન્દ્રનગર કોળી સમાજ દ્વારા શ્રી વીરમાંધાતા પ્રાગટ્ય શોભાયાત્રાનું આયોજન શહેરના ઉપાસના સર્કલ ખાતેથી કરવામાં આવ્યું હતું.

આ શોભાયાત્રા શહેરના મુખ્ય માર્ગો પર ફરી હતી. કોળી સમાજના યુવાનો અને લોકો શોભાયાત્રા દરમિયાન ડી.જે. અને ઢોલ નગારાના તાલે ઝૂમ્યા હતા અને જય માંધાતાના નાદ સાથે નારાઓ લગાવ્યા હતા. વ્યસન મુક્તિ બેટી બચાવો - બેટી પઢાઓ શિક્ષણનું મહત્વ કોળી સમાજમાં વધે અને લોકો જાગૃત થાય તે માટે ઉપસ્થિત મહાનુભાવોએ લોકોને અનુરોધ કર્યો હતો. આ શોભાયાત્રામાં રાજ્યસભાના પૂર્વ સાંસદ શંકર વેગડ સહીત કોળી સમાજના આગેવાનો સંતો-મહંતો ભાઈઓ-બહેનો જોડાયા હતા.