ઘર્ષણ / મહેસાણાની દૂધસાગર ડેરીની સામાન્ય સભામાં ધીંગાણું, મોંઘજીભાઈના પુત્રએ કર્યું ફાયરિંગ

• મહેસાણા દૂધસાગર ડેરીની આજે વાર્ષિક સાધારણ સભા
• વિપુલ ચૌધરી અને અશોક ચૌધરીના સમર્થકો વચ્ચે બબાલ
• મોઘજીભાઈને સાધારણ સભામાં પ્રવેશ કરતાં અટકાવતા ઘર્ષણ

દૂધસાગર ડેરી ખાતે યોજાનારી વાર્ષિક સાધારણ સભામાં હોબાળો 

મંગળવારે દૂધસાગર ડેરી ખાતે યોજાનારી વાર્ષિક સાધારણ સભામાં હોબાળો થયો હોવાનું જાણવા મળી રહ્યું છે. આજે દૂધસાગર ડેરીની વાર્ષિક સાધારણ સભા મળનારી છે. ત્યારે સભા પૂર્વે ડેરી સંકુલ બહાર વિપુલ ચૌધરીના સમર્થકો પર અશોક ચૌધરીના સમર્થકોએ હુમલો કર્યો હોવાના સમાચાર મળી રહ્યા છે. આ સાધારણ સભામાં પ્રવેશ મામલે ભારે ઘર્ષણ થયું હોવાની માહિતી મળી રહી છે. 

વિપુલ ચૌધરી અને અશોક ચૌધરીના સમર્થકો વચ્ચે ભારે ઘર્ષણ

આ ઘર્ષણમાં ડેરીના પૂર્વ વાઇસ ચેરમેન મોંઘજીભાઈ દેસાઈને ઇજા પહોંચી છે. તેના સિવાય મોંઘજીભાઈ, તેમના પુત્ર અને ભાણા પર હુમલો કરાયો છે. બીજી બાજુ ટોળાને વિખેરવા મોંઘજીભાઈના પુત્રએ હવામાં ફાયરિંગ કર્યું હતું . જેમાં ડેરીના સિક્યુરિટી ઇન્ચાર્જ જયંતિ ચૌધરીને ગોળી વાગી હતી. જે બાદ જયંતી ચૌધરીને મહેસાણા સિવિલ હોસ્પિટલ ખસેડાયા હતાં. બીજી તરફ સભા પૂર્વે ડેરી સંકુલ બહાર વિપુલ ચૌધરીના સમર્થકો પર અશોક ચૌધરીના સમર્થકોએ કરેલા હુમલામાં ઘાયલ થનાર લોકોને તાત્કાલિક ખાનગી હોસ્પિટલમાં સારવાર માટે ખસેડાયા છે. દૂધસાગર ડેરીની આજે વાર્ષિક સાધારણ સભા મળનારી છે, ત્યારે ભ્રષ્ટાચાર બહાર લાવવા મામલે હુમલો કરાયો હોવાનું મોંઘજીભાઈ જણાવ્યું છે.

દૂધસાગર ડેરીના પૂર્વ ઉપપ્રમુખ મોંઘજી દેસાઈ ભ્રષ્ટાચારના આરોપો લગાવ્યા

દૂધસાગર ડેરીના પૂર્વ ઉપપ્રમુખ મોંઘજી દેસાઈએ જણાવ્યું હતું કે, ડેરી દ્વારા 50 કરોડના ખર્ચે બનાવવામાં આવનાર પાવડર પ્લાન્ટના નિર્માણ અંગે કેટલાક પ્રશ્નો ઉઠાવ્યા હતા. તેમણે શંકા વ્યક્ત કરી કે ડેરીમાં 150 મેટ્રિક ટનની ક્ષમતાવાળા છ પાઉડર પ્લાન્ટ હોવા છતાં નવો પ્લાન્ટ કેમ ઊભો કરવામાં આવી રહ્યો છે. તેમણે દૂધ ઉત્પાદકો પર આરોપ લગાવ્યો કે જો પાઉડર પ્લાન્ટ તેની ઉત્પાદન ક્ષમતાના 40 ટકા વેચાણ કરે તો તેમની મહેનતના પૈસા વેડફાય છે.