તમારા કામનું / હવે યુનીક ફોન નંબર લેવા માટે નહીં ખર્ચ કરવા પડે પૈસા, કંપની તમારા ઘરે મોકલશે કાર્ડ, જાણો સર્વિસ ડિટેલ્સ

• VIP નંબર માટે નહીં ખર્ચ કરવા પડે પૈસા 
• આ રીતે ફ્રીમાં મેળવો VIP નંબર 
• કંપની ઘરે મોકલશે કાર્ડ 

ઘણા લોકો VIP ફોન નંબર રાખવાનું પસંદ કરતા હોય છે. જો કે VIP ફોન નંબર આમતો મળી જાય છે પરંતુ આ માટે તમારે 1000 થી 10000 રૂપિયા સુધીનો ખર્ચ કરવો પડી શકે છે. આવી સ્થિતિમાં VIP સિમ કાર્ડ ખરીદવું ઘણા લોકોના બજેટમાંથી બહાર નીકળી જાય છે. પરંતુ હવે તમારે ચિંતા કરવાની જરૂર નથી કારણ કે હવે તમે VIP સિમ કાર્ડ મફતમાં ખરીદી શકો છો અને તેની હોમ ડિલિવરી પણ મફતમાં મેળવી શકો છો. 

હકીકતે એક ટેલિકોમ કંપની છે જે મફતમાં VIP સિમ કાર્ડ ઓફર કરી રહી છે અને તે કંપનીની વેબસાઇટ પરથી બુક કરી શકાય છે અને સીધુ તમારા ઘરે ડિલિવરી આવી જશે. જો તમે આ કંપની અને આ પ્રક્રિયા વિશે કંઈ નથી જાણતા તો આજે અમે તમને તેના વિશે જણાવવા જઈ રહ્યા છીએ.

કઈ કંપની આપી રહી છે VIP સિમ કાર્ડ  
Vodafone Idea મફતમાં VIP નંબર ઓફર કરે છે. એટલું જ નહીં કંપની VIP નંબરની ફ્રી હોમ ડિલિવરી પણ કરી રહી છે. તો ચાલો જાણીએ કે કઈ પ્રક્રિયા દ્વારા આપણે તેને ખરીદી શકીએ છીએ.

શું છે પરચેઝ કરવાની પ્રોસેસ? 
જો તમે કોઈ ખાસ નંબર ખરીદવાનું વિચારી રહ્યા છો તો તમારે કંપનીની વેબસાઈટ પર જવું પડશે. ત્યારબાદ તમને ફ્રી ફેન્સી નંબર પસંદ કરવાનો વિકલ્પ મળશે. જ્યારે તમે નંબર પસંદ કરો છો ત્યારે તમારે પોસ્ટપેડ અથવા પ્રીપેડ વચ્ચેની પસંદગી કરવાની રહેશે. 

આ પછી તમારે ઘરનું સરનામું, પિન કોડ અને મોબાઈલ નંબર નાખવો પડશે. હવે તમારે OTP સાથે આ પ્રક્રિયા પૂર્ણ કરવી પડશે અને સિમ તમારા ઘરે પહોંચાડવામાં આવશે. આ પ્રોસેસને ફોલો કરી તમે સરળતાથી ઘરે સિમ મેળવી શકો છો. 

અમે તમને જણાવ્યું એ પ્રમાણે તમને નંબર પસંદ કરવાનો ઓપ્શન મળે છે તો તમે પોતાની પસંદગીનું સિમ ખરીદી શકો છો અને ઘણા ઓપ્શન્સમાંથી એક પસંદ કરી શકો છો.