ગુરુવારે અમદાવાદના શાહઆલમમાં CAAના વિરોધમાં ફાટી નીકળેલી હિંસા મામલે પોલીસ તપાસ કરી રહી છે જેમાં આજે 15 આરોપીઓને ક્રાઈમબ્રાન્ચ કોર્ટમાં રજૂ કરવામાં આવશે. આ સિવાય 64ની ધરકપડ કરવામાં આવી છે. શાહઆલમમાં નોકરી, ધંધા, વ્યવસાય પૂર્વવત્ કરાયા છે.
આજે 15 આરોપીઓને ક્રાઇમ બ્રાન્ચ કોર્ટમાં કરશે રજૂ
તમામ આરોપીઓને રીમાન્ડ માટે કરાશે રજૂ
મેટ્રો કોર્ટના અર્જન્ટ ચાર્જમાં કરાશે રજૂ
આજે 15 આરોપીઓને ક્રાઇમ બ્રાન્ચ કોર્ટમાં રજૂ કરશે. તમામ આરોપીઓને રીમાન્ડ માટે રજૂ કરાશે. રવિવાર હોવા છતાં મેટ્રો કોર્ટના અર્જન્ટ ચાર્જમાં આરોપીઓને રજૂ કરાશે.
ક્રાઇમબ્રાન્ચે 64 જેટલા આરોપીઓની કરી ધરપકડ
ક્રાઇમબ્રાન્ચનું આરોપીઓને પકડવા સર્ચ ઓપરેશન યથાવત્ છે અત્યાર સુધીમાં 64 આરોપીઓની ધરપકડ કરવામાં આવી છે. CCTV ફૂટેજ અને વીડિયોગ્રાફીના આધારે તપાસ ચાલી રહી છે. ઘર્ષણમાં સામેલ કેટલાક આરોપી ફરાર છે. પોલીસ આરોપીઓને પકડવા માટે જુદી જુદી ટીમો બનાવી કામ કરી રહી છે.
શાહઆલમ દરવાજા પાસે પોલીસનો બંદોબસ્ત
શાહઆલમમાં તમામ કામધંધા રાબેતા મુજબ યથાવત થઈ ગયા છે. સતત ત્રીજા દિવસે પણ પોલીસ પેટ્રોલિંગ યથાવત્ છે. પોલીસની ૩ ગાડીઓ સતત પેટ્રોલિંગ કરી રહી છે.