દિલ્હીના ગાંધીનગર વિસ્તારમાં ગુરુવારે રાતે એક મોટી બબાલ ફાટી નીકળી હતી જેમાં લોકોએ પોલીસ પર ભારે પથ્થરમારો કર્યો હતો.
દિલ્હીના ગાંધીનગર વિસ્તારમાં મોટી બબાલ
મહિલાના હત્યાના વિરોધમાં લોકોએ કાઢી કેન્ડલ માર્ચ
પોલીસ અટકાવતા લોકો વિફર્યા
ભારે પથ્થરમારો કરીને પોલીસની ગાડીઓના કાચ તોડ્યા
રાજધાની દિલ્હીમાં અવારનવાર અશાંતિ સર્જાતી હોય છે અને નાની અમથી વાતમાં મોટું થઈ જતું હોય છે અને પછી તેને ઠારવા માટે પોલીસને પરસેવો પડી જતો હોય છે. ગુરુવારે રાતે દિલ્હીમાં આવી જ એક ઘટના બની હતી.
Delhi | On 1st July a woman was murdered in Gandhi Nagar Area & accused was arrested. A candle march was being taken out for her, but Police tried to stop them during which the crowd became furious and began to throw stones at the police station: R. Sathiyasundaram, Shahdara DCP pic.twitter.com/zyslAv8bLE
થોડા દિવસ પહેલા દિલ્હીના ગાંધીનગર વિસ્તારમાં એક મહિલાની હત્યાના મામલે કેટલાક લોકોએ ગુરુવારે સાંજે કેન્ડલ માર્ચ કાઢી હતી. પોલીસ દ્વારા કેન્ડલ માર્ચને અટકાવવામાં આવતા લોકો વિફર્યા હતા અને પોલીસની બેરિકેડિંગ તોડી નાખી હતી તથા લોકો પથ્થમારો પણ કર્યો હતો. પરિસ્થિતિને કાબુમાં લેવા પોલીસે હળવો બળપ્રયોગ કર્યો હતો. આખરે ભારે જહેમત બાદ સ્થિતિ કાબૂમાં આવી હતી.
મહિલાની હત્યાના વિરોધમાં લોકોએ કાઢી હતી કેન્ડલ માર્ચ
ગાંધીનગરના રઘુબર પુરા વિસ્તારમાં રાધાદેવી નામની એક મહિલાની લાશ ઘરની સીડીઓ પાસેથી મળી આવી હતી. મહિલાના ગળામાં મંગળસૂત્ર ફસાયેલું હતું. પોસ્ટમોર્ટમ રિપોર્ટમાં મહિલા સાથે રેપના પ્રયાસની વાત સામે આવી હતી અને પાછળથી તેનું ગળું કાપીને હત્યા કરવામાં આવી હોવાનું ખુલ્યું હતું. લોકો આ ઘટનાના વિરોધમાં કેન્ડલ માર્ચ કાઢી રહ્યાં હતા અને ત્યારે તેમની અને પોલીસ વચ્ચે ઘર્ષણ થયું હતું. મોટી સંખ્યામાં લોકો પોલીસ સ્ટેશન સુધી કૂચ કાઢવા માટે એકઠા થયા હતા. પોલીસે પોલીસ સ્ટેશનની બહાર બેરિકેડ લગાવી દીધા હતા. ગુસ્સે ભરાયેલા લોકોએ પોલીસ બેરિકેડ્સ તોડી નાખ્યા હતા. ત્યાર બાદ પોલીસ સ્ટેશનની બહાર લોકોએ હોબાળો મચાવવાનું શરૂ કરી દીધું હતું. આ દરમિયાન કેટલાક લોકોએ પોલીસ સ્ટેશન પર પથ્થરમારો પણ કર્યો હતો.
Two police cars were damaged but the police station was safe. The investigation has been started. People involved in this will be arrested and strict actions will be taken against them: R. Sathiyasundaram, Shahdara DCP
ઘટનાનો વીડિયો સામે આવ્યો
પોલીસે સ્થિતિને કાબુમાં લેવા માટે લાઠીચાર્જ પણ કર્યો હતો, ત્યારબાદ ટોળું વિખેરાઇ ગયું હતું. આ ઘટનાનો વીડિયો પણ સામે આવ્યો છે. વીડિયોમાં જોવા મળી રહ્યું છે કે લોકો બળજબરીથી પોલીસ બેરિકેડિંગ હટાવી રહ્યા છે. શાહદરાના ડીસીપીના જણાવ્યા અનુસાર, અત્યારે સ્થિતિ સામાન્ય છે. ટોળું સંપૂર્ણપણે વિખેરાઇ ગયું છે. કેન્ડલ માર્ચ માટે આવેલા અને બાદમાં ટોળામાં ફેરવાઇ ગયેલા આયોજકો સામે કાયદેસરની કાર્યવાહી કરવામાં આવી રહી છે.