પયગંબર વિવાદ / રાંચી બાદ બંગાળના હાવડામાં ફરી ભડકી હિંસા, પોલીસ પર પથ્થરમારો, ઠેકઠેકાણે આગજની

• નૂપુર શર્માના વિવાદિત નિવેદન પર દેશના ઘણા રાજ્યોમાં હિંસા
• રાંચી બાદ બંગાળના હાવડામાં હિંસા 
• નૂપુર શર્માની ધરપકડની માગ
• લોકો થયા હિંસક, પોલીસ પર પથ્થરમારો
• લોકોએ ઠેકઠેકાણે લગાડી આગ 

નૂપુર શર્માના વિવાદિત નિવેદનને લઈને દેશના ઘણા ભાગોમાં હંગામો ચાલી રહ્યો છે.  પશ્ચિમ બંગાળના હાવડા ફરી એકવાર હિંસાના સમાચાર સામે આવ્યા છે. અહીંની પોલીસ પર ટોળા દ્વારા પથ્થરમારો કરવામાં આવ્યો હતો, ત્યારબાદ પોલીસે જવાબી કાર્યવાહી કરી હતી અને અશ્રુવાયુના શેલ છોડવામાં આવ્યા હતા. 

WB | Sec 144 CrPC imposed in & around the stretches of National Highways & Railway Stations under the jurisdiction of Uluberia-Sub Division, Howrah extended till 15th June

Violent protests broke out here yesterday over the controversial remark of suspended BJP spox Nupur Sharma pic.twitter.com/JkwoidjyL2

— ANI (@ANI) June 11, 2022

ઈન્ટરનેટ સેવા બંધ 
હિંસક પરિસ્થિતિને ધ્યાનમાં રાખીને સત્તાવાળાઓ દ્વારા ઈન્ટરનેટ સેવા પણ બંધ કરી દેવામાં આવી છે. તથા ગઇકાલની હિંસા બાદથી કલમ 144 લાગુ કરી દેવામાં આવી હતી, પરંતુ આજે સવારે ફરી એકવાર ટોળું એકઠું થયું હતું અને પથ્થરમારો શરૂ કરી દીધો હતો. પોલીસે ઘટના સ્થળે પરિસ્થિતિને કોઈ રીતે સંભાળવાનો પ્રયાસ કર્યો હતો અને હાલમાં ઘટના સ્થળે ભારે પોલીસ બંદોબસ્ત ગોઠવી દેવામાં આવ્યો છે. વિસ્તારમાં સ્થિતિ તંગ બનેલી છે.

પ્રદર્શનકારીઓએ કરી હતી આગજની 
 હાવડામાં લોકોએ ભાજપના સસ્પેન્ડેડ નેતા નૂપુર શર્મા અને હાંકી કઢાયેલા નેતા નવીન જિંદાલના વિવાદિત નિવેદનોનો વિરોધ કર્યો હતો. આ દરમિયાન પ્રદર્શનકારીઓએ પોલીસ વાન અને પોલીસ બૂથ પર આગ લગાવી દીધી હતી. ઘટના સ્થળે ભારે પોલીસ બંદોબસ્ત બોલાવવામાં આવ્યો હતો અને કોઈક રીતે લોકોને ભગાડી મૂકવામાં આવ્યા હતા. તેઓ નૂપુર શર્માની ધરપકડનો વિરોધ કરી રહ્યા છે. તેઓની માંગ છે કે નૂપુર શર્માની તાત્કાલિક ધરપકડ કરવામાં આવે. સસ્પેન્ડેડ ભાજપના પ્રવક્તાએ પયગંબર મોહમ્મદ વિશેની ટીવી ડિબેટમાં વાંધાજનક ટિપ્પણી કરી હતી, જે પછી દેશ અને દુનિયામાં તેમના વિશે ઘણી ચર્ચા થઈ હતી. આ નિવેદન બાદ થયેલા હોબાળાને જોતા ભાજપે તેમને સસ્પેન્ડ કરી દીધા હતા. સાથે જ તેમણે પોતાના નિવેદનોથી નિવેદન પણ જાહેર કર્યું હતું.

#WATCH | West Bengal: Fresh clash b/w Police & a group of protesters breaks out at Panchla Bazaar in Howrah. Police use tear gas shells to disperse them as protesters pelt stones

Violent protests broke out here y'day over controversial remarks of suspended BJP spox Nupur Sharma. pic.twitter.com/8ZhZ2bNVMG

— ANI (@ANI) June 11, 2022

રાંચીમાં હિંસા 2 લોકોના મોત
રાંચીમાં લોકો નુપૂર શર્મા અને નવીન જિંદલની ધરપકડની માગ સાથે રસ્તા પર ઉતરી આવ્યાં હતા જેને પગલે ભારે હિંસા ફાટી નીકળી હતી જેમાં 2 લોકોના મોત થયા હતા તથા 10થી વધુ ઘાયલ થયા હતા. 

Some political parties behind Howrah violence, strict action will be taken against those trying to instigate riots: Bengal CM Mamata Banerjee

— Press Trust of India (@PTI_News) June 11, 2022

જાણો લેટેસ્ટ અપડેટ 
(1) શુક્રવારે ભારતની સૌથી મોટી મસ્જિદોમાંની એક રાષ્ટ્રીય રાજધાની દિલ્હીની જામા મસ્જિદની બહાર મોટી સંખ્યામાં લોકોએ વિરોધ પ્રદર્શન કર્યું હતું. ઉત્તર પ્રદેશના ઘણા જિલ્લાઓમાં જુમેઈની નમાજ બાદ સ્થિતિ બેકાબૂ દેખાઈ રહી હતી. જેમાં પ્રયાગરાજ, મુરાદાબાદ, સહારનપુરનો સમાવેશ થાય છે.
(2) ઉત્તર પ્રદેશમાં પ્રયાગરાજ, મુરાદાબાદ અને સહારનપુર સહિત અન્ય કેટલાક શહેરોમાં સેંકડો પ્રદર્શનકારીઓ રસ્તા પર ઉતરી આવ્યા હતા અને દુકાનો બંધ કરી દેવામાં આવી હતી. જેને પગલે ઉત્તર પ્રદેશ પોલીસે લખનઉ, કાનપુર, ફિરોઝાબાદ સહિત અનેક જિલ્લાઓમાં સુરક્ષા વધારી દીધી હતી.
(3) મુખ્યમંત્રી યોગી આદિત્યનાથે રાજ્યના વિવિધ શહેરોમાં પથ્થરમારાની ઘટનાઓ બાદ પ્રદર્શનકારીઓ સામે કડક કાર્યવાહી કરવાના નિર્દેશ આપ્યા છે. આ વિરોધ પ્રદર્શનને લઈને આજે યુપીમાં કુલ 136 લોકોની ધરપકડ કરવામાં આવી હતી.
(4) ઉત્તર પ્રદેશ ઉપરાંત ઝારખંડની રાજધાની રાંચીમાં પણ મોટી સંખ્યામાં પ્રદર્શનકારીઓ જોવા મળ્યા હતા. નૂપુર શર્મા અને નવીન જિંદાલની ધરપકડની માંગ સાથે પ્રદર્શનકારીઓ રસ્તા પર પોલીસ સાથે અથડામણ કરતા જોવા મળ્યા હતા. આ સમયગાળા દરમિયાન ઘણી જગ્યાએ આગચંપી પણ જોવા મળી હતી.
(5) પ્રદર્શનકારીઓ બેકાબૂ થયા બાદ અને પોલીસકર્મીઓને ઘાયલ કર્યા બાદ રાંચીના કેટલાક ભાગોમાં કર્ફ્યુ લગાવી દેવામાં આવ્યો છે. ઘણી જગ્યાએ પ્રદર્શનકારીઓ પર કાબૂ મેળવવા અને ભીડને વિખેરવા માટે પોલીસે હવાઈ ફાયરિંગ કરવું પડ્યું હતું.
(6) જુમૈ કી નમાજ બાદ કોલકાતાના પાર્ક સર્કસ વિસ્તાર, હાવડા, હૈદરાબાદના ચારમિનાર પાસે, લુધિયાણા, અમદાવાદ, નવી મુંબઈ અને શ્રીનગરના અનેક વિસ્તારોમાં પણ પ્રદર્શનકારીઓ બેકાબૂ જોવા મળ્યા હતા. મહારાષ્ટ્રના સોલાપુરમાં એમઆઈએમની આગેવાનીમાં મુસ્લિમ સમુદાયે વિશાળ કૂચ કરી હતી. આ ઉપરાંત નવી મુંબઈમાં મહિલાઓએ વિરોધ માર્ચ કાઢી હતી.
(7) ગુજરાતમાં વડોદરામાં જુમેઈની નમાઝ બાદ સ્થિતિ તંગ બની હતી. આ સિવાય તેલંગાણાના હૈદરાબાદની મક્કા મસ્જિદની બહાર લોકોએ વિરોધ પ્રદર્શન કર્યું હતું. પોલીસે પ્રદર્શનકારીઓને ઘટના સ્થળેથી હટાવી દીધા હતા. આ વિસ્તારમાં પોલીસ દળ અને સીઆરપીએફ પણ તૈનાત કરવામાં આવ્યા હતા.