ટ્રાફિકના નિયમોનું ઉલ્લંઘન કરીએ તો ચલાણ કપાઈ શકે છે. સાથે જ જો કોઈ સગીર બાળક વાહન ચલાવતા પકડાય તો કડક ચલાણ અને જેલની સજાની પણ જોગવાઈ છે.
જો નિયમોનું ઉલ્લંઘન કરીએ તો ચલાણ કપાઈ શકે છે
બાળક વાહન ચલાવતા પકડાય તો કડક ચલાણ અને જેલની સજાની પણ જોગવાઈ
કપાઈ શકે છે 25,000 સુધીનું ચલાણ -
આજકાલ રસ્તાઓ પર વાહન ચલાવનાર લોકોની સંખ્યામાં અઢળક વધારો થયો છે અને તેને કારણે ટ્રાફિકની સમસ્યા પણ ઘણી વધી છે. કોઈ જગ્યા પર જલ્દી પંહોચવાને કારણે લોકો જલ્દી વાહન ચલાવે છે પણ આપણે બધા જાણીએ છીએ કે કોઈ પણ વાહન ચલાવતી વખતે ટ્રાફિકના નિયમોનું પાલન કરવું જરૂરી છે. જો નિયમોનું ઉલ્લંઘન કરીએ તો ચલાણ કપાઈ શકે છે. પણ કેટલીકવાર એવું જોવા મળે છે કે માતા-પિતા તેમના બાળકને પુખ્ત થાય તે પહેલા જ વાહન શીખવવાનું શરૂ કરે છે, જે કાયદાની દૃષ્ટિએ ખોટું છે. જણાવી દઈએ કે જો કોઈ સગીર બાળક વાહન ચલાવતા પકડાય તો કડક ચલાણ અને જેલની સજાની પણ જોગવાઈ છે.
કપાઈ શકે છે25,000 સુધીનું ચલાણ -
જો કોઈ બાળકની ઉંમર 18 વર્ષ પૂર્ણ ન હોય અને તે વાહન ચલાવતો પકડાય અને તેની પાસે લર્નિંગ લાયસન્સ પણ ન હોય, તો મોટર વાહન અધિનિયમ 1988 ની કલમ 199A હેઠળ જેના નામે વાહન રજીસ્ટર હોય તેને 25,000 રૂપિયા સુધીનો દંડ અને 3 વર્ષ જેલની સજા થઈ શકે છે.
આ છે નિયમ
મોટરવ્હીકલ એક્ટ અનુસાર 18 વર્ષથી ઓછી ઉંમરનું બાળક 50cc કરતાં વધુ એન્જિન સાથે વાહન માન્ય લાયસન્સ વિના ચલાવી શકે નહીં અને જો વાહનના એન્જિનની પાવર કેપેસિટી 50ccથી વધુ છે અને તે વાહન ચલાવે છે તો તેની પાસે લર્નિંગ લાયસન્સ હોવું જરૂરી છે. આ સિવાય તે બાળકો કોઈપણ 25 kmphની ઝડપે ચાલતા ઇલેક્ટ્રિક ટુ-વ્હીલર ચલાવી શકે છે. જણાવી દઈએ કે એ ચલાવવા માટે કોઈપણ પ્રકારના લાયસન્સ કે રજીસ્ટ્રેશનની જરૂર પડતી નથી પણ જો બાળક વધુ નાનું હોય અને વાહન ચલાવવા સક્ષમ ન હોય તો તે માતા-પિતાની જવાબદારી બને છે કે તે બાળકની સલામતી તેમજ અન્ય લોકોની સુરક્ષાને ધ્યાનમાં રાખે.