વડોદરાઃ સ્કુલ રિક્ષાચાલકોની નફ્ફટાઇ એક રિક્ષામાં 13 વિદ્યાર્થીઓને કરાવાય છે મુસાફરી

વડોદરાઃ રાજ્યમાં અકસ્માતની ઘટના ન બને તે માટે RTO દ્વારા કડક નિયમો બનાવવામાં આવ્યા છે. જેમાં શાળાએ જતા બાળકોની સલામતીને ઘ્યાને રાખીને સ્કુલ રિક્ષાચાલકો માટે ખાસ જોગવાઈઓ કરવામાં આવી છે. ત્યારે વડોદરામાં સ્કુલ રિક્ષાચાલકોની નફ્ફટાઈ સામે આવી છે. 

સ્કુલ રિક્ષાચાલકો દ્વારા RTOના નિયમનો ખુલ્લેઆમ ભંગ કરવામાં આવી રહ્યો છે. રિક્ષાચાલકો એક રિક્ષામાં આશરે 13 વિદ્યાર્થીઓને બેસાડે છે. આમ રિક્ષાની કેપેસીટી કરતાં વધુ વિદ્યાર્થીઓને રીક્ષામાં બેસાડવામાં આવે છે. 

ત્યારે સ્કુલ રિક્ષાચાલકોની નફ્ફટાઈને કારણે વિદ્યાર્થીઓને જીવના જોખમે મુસાફરી કરવી પડે છે. વિદ્યાર્થીઓની જોખમી મુસાફરીના વીડિયો સામે આવતાં અનેક પ્રશ્નો ઉઠ્યા છે.