VTV વિશેષ / મહારાણી ચીમનાબાઈની રૉલ્સ રૉયસ, વિશ્વ યુદ્ધ સમયની એડલર: એવી વિન્ટેજ કાર કે જોવા માટે મૈસૂરથી રાજવીઓ વડોદરા આવ્યા

• વડોદરામાં વિન્ટેજ હેરિટેજ કાર શોનું આયોજન
• 200 જેટલી વિન્ટેજ કાર એક્ઝિબિશન માટે લવાઈ
• ગુજરાતના પર્યટન વિભાગના સહયોગથી આયોજન
• 21 ગન સેલ્યૂટ હેરિટેજ એન્ડ કલ્ચર ટ્રસ્ટનું આયોજન

21 ગન સેલ્યુટ હેરિટેજ એન્ડ કલ્ચર ટ્રસ્ટ દ્વારા વડોદરામાં વિન્ટેજ કાર એક્ઝિબિશનનું આયોજન કરવામાં આવ્યું છે, દેશભરમાંથી 200 જેટલી વિન્ટેજ કાર આ એક્ઝિબિશનમાં ભાગ લેવા પહોંચી છે. 100 કે તેથી વધુ વર્ષ જૂની વિન્ટેજ કાર આ એક્ઝિબિશનમાં જોવા મળી રહી છે. એડલર, વ્હીલ્સ ઓફ વેલેસ્લી, ડેમલર, સ્ટીવેન ડ્યુરી, વેલેસ્લી, રોલ્સ રોયલ, સન બેન, લેમ્બરગીની અને ઇમ્પાલા જેવી વિન્ટેજ કારો અહીંયા આવી પહોંચી છે. રોહિણી સેન બેંગ્લોરથી પોતાની વિન્ટેજ કાર લઈને વડોદરા આવ્યા છે.

અમદાવાદીએ 60 વર્ષથી સાચવીને રાખી છે આ કાર
અમદાવાદના વિન્ટેજ કાર શોખીન સનત સોધને શેવરોલેટ કંપનીની ઇમ્પાલા કાર 60 વર્ષથી સાચવીને રાખી છે અને આ કારની ખાસિયત એવી છે કે રૂફટોપને વચ્ચે કોઈ જ ટેકો આપવામાં નથી આવ્યો અને પાછળથી માછલી આકારની કાર પોતાને ખૂબ ગમી એટલે જ તેને તેઓ સાચવી રહ્યા છે. આ કારની કિંમત પોતે આપી શકતા નથી એવી અમૂલ્ય કાર ગણાવી રહ્યા છે.

નાગપુરના શ્રીષ દેવધર પાસે છે એડલર કાર 
બીજા વિશ્વયુદ્ધ વખતે જર્મનીની એડલર કંપની નસ્ત નાબૂદ થઈ ગઈ ત્યાર પછી એડલર કંપનીની માત્ર ગણતરીની કારો બચી હતી. તે પૈકીની એક એડલર કાર ટ્રમ્પ 1.7 મોડલ 1976 નાગપુરના શ્રીષ દેવધર પાસે છે અને તેઓ આ કાર લઈને એક્ઝિબિશનમાં જોડાયા છે. વિશ્વમાં ગણતરીની 1.7 મોડલની કારો પૈકીની એક કાર શ્રીષ દેવધર પાસે છે અને તેને શોખથી જાળવી રહ્યા છે.

ભારતમાં ફક્ત ત્રણ જ છે આ કાર
સિલગોમાં બનેલી 1902ની હૉલ્સ મેન કાર જયપુરના અમીન ભાદોરિયા પાસે છે. આ કાર બધી બાજુથી ખુલ્લી અને સવારી કરી શકાય તેવી કાર છે. ભારત માત્ર ત્રણ કાર છે તેવી આ કાર સ્પોર્ટ્સ મોડલ છે.

વડોદરામાં કઈ કઈ કાર આવી છે?
- એડલર 1936
- વલેસ્લી 1914
- હોલસમેન 1902
- ફોર્ડ 1913
- રોલ્સ રોય મૈસુર 1949
- રોલ્સ રોય બરોડા 1937
- સનબેન 1958 બરોડા
- વોલેસ્લી બરોડા 1939
- ડેમલર 1922

બરોડા સ્ટેટના કાફલામાં સૌથી ખાસ ગણાતી કાર 
- વોલેસ્લી 1939
- રોલ્સ રોય 1937 
- સનબેન 1958

બરોડા સ્ટેટની 5 કાર લક્ષ્મી વિલાસ પેલેસમાં જોવા મળી 
રોલ્સરોય કાર 1937માં મહારાણી ચિમનાબાઈ જેનો ઉપયોગ કરતા હતા, તે કાર વિદેશ ગઈ હતી. ત્યાંથી દિલ્હી આવી અને આજે દિલ્હીના આશિષ જૈન પાસે છે. આજે બરોડા સ્ટેટની પાંચ કાર ફરી વડોદરાના લક્ષ્મી વિલાસ પેલેસમાં જોવા મળી હતી.

દેશના વિવિધ રજવાડામાં વપરાયેલી 200 વિન્ટેજકારો આજે વડોદરામાં 
21 ગન સેલ્યુટ હેરિટેજ એન્ડ કલ્ચરલ ટ્રસ્ટ દ્વારા યોજાયેલા વિન્ટેજ કાર એક્ઝિબિશનમાં દેશના વિવિધ રજવાડામાં વપરાયેલી 200 વિન્ટેજકારો આજે વડોદરામાં જોવા મળી. જોકે, એક સમયે વડોદરા સ્ટેટના કાર કાફલામા જાજરમાન ગણાતી વોલેસલી રોલ્સ રોયલ અને સનબેન કાર ફરી વડોદરા આવી અને વડોદરાના લક્ષ્મી વિલાસ પેલેસમાં પહોંચી હતી. ત્યારે વડોદરાના મહારાણી રાધિકા રાજે આ ક્ષણને ખૂબ જ ભાગ્યશાળી ગણાવી હતી અને રજવાડા વખતનો ઇતિહાસ જાણે ફરી દોહરાવા જઈ રહ્યો હોય તેવી લાગણી વ્યક્ત કરી હતી.

જોધપુર, વાંકાનેર, ગોંડલના રાજવી પરિવારના વંશજો રહ્યા હાજર
દેશભરમાંથી 200 વિન્ટેજ કાર વડોદરાના લક્ષ્મી વિલાસ પેલેસમાં પહોંચી તેની સાથે જોધપુર, વાંકાનેર, રાજકોટ, જામનગર, જમ્મુ-કાશ્મીર, ગોંડલ, મૈસુરના રાજવી પરિવારમાંથી તેમના વંશજો પણ હાજર રહ્યા અને એક સમયે રજવાડાઓની શાન ગણાતી વિન્ટેજ કાર આજે વડોદરામાં એક જ જગ્યાએ જોવા મળી તેનો આનંદ વ્યક્ત કર્યો હતો. સાથે જ આ એક્ઝિબિશનના માધ્યમથી દેશનો હેરિટેજ વારસો પણ વિકસે તે માટે દેશ-વિદેશમાંથી 500 જેટલા વિન્ટેજ કાર પ્રેમીઓ પણ પહોંચ્યા હતા અને તેઓ પણ આ વિન્ટેજ કાર્ય એક્ઝિબિશનમાં જોડાયા હતા.