ક્રિકેટ / સુનિલ ગાવસ્કરની સખાવત, આ ખસ્તાહાલ ક્રિકેટરને દર મહિને 30,000 આપવાનું એલાન

પૂર્વ ભારતીય ક્રિકેટર અને સચિન તેડુંલકરના બાળપણના દોસ્ત વિનોદ કાંબલીની આર્થિક અને શારીરિક હાલત ખૂબ ખરાબ છે, કાંબલી પાસે બે ટંકના ખાવાના પણ પૈસા નથી અને શરીર પણ ખૂબ નબળી પડી ગયું છે આવી સ્થિતિમાં હવે સુનિલ ગાવસ્કર તેની સહાયે આવ્યાં છે. સુનિલ ગાવસ્કરના ફાઉન્ડેશન CHAMPSએ કાંબલીને દર મહિને 30,000 અને દવા માટે દર વર્ષે 30,000 આપવાનું એલાન કરતાં તેને મોટી મદદ મળી છે.

છેલ્લે ગાવસ્કર અને કાંબલી ક્યારે મળ્યાં?

ગાવસ્કર અને કાંબલી જાન્યુઆરીમાં વાનખેડે સ્ટેડિયમમાં ગ્રાઉન્ડની 50મી વર્ષગાંઠની ઉજવણી માટે પણ એકબીજાને મળ્યા હતા. જાન્યુઆરીની શરૂઆતમાં, કાંબલીની પત્ની એન્ડ્રીયા હેવિટે ખુલાસો કર્યો હતો કે તેણીએ 2023 માં છૂટાછેડા માટે અરજી કરી હતી પરંતુ તેના પતિની 'લાચારી સ્થિતિ' જોઈને તેણે તે પાછી લેવાનો નિર્ણય કર્યો. તેણે કહ્યું હતું કે જો હું તેને છોડી દઉં તો તે લાચાર થઈ જશે. તે બાળક જેવો છે, અને તે મને દુઃખ પહોંચાડે છે. તે મને ચિંતા કરાવે છે. હું કોઈ મિત્રને પણ નહીં છોડું, પણ તે તેનાથી પણ વધારે છે. મને યાદ છે કે એવા સમય હતા જ્યારે હું ફક્ત ચાલીને જતી રહેતી. પણ પછી મને ચિંતા થતી: તેણે ખાધું છે કે નહીં? શું તે પલંગ પર બરાબર છે? શું તે ઠીક છે? પછી મારે તેની તપાસ કરવી પડતી, અને હું સમજી જતી કે તેને મારી જરૂર છે.

ગાવસ્કરે ક્યારે આપ્યું હતું મદદનું વચન

ડિસેમ્બર 2024 માં મુંબઈના શિવાજી પાર્ક ખાતે સુપ્રસિદ્ધ કોચ રમાકાંત આચરેકરના સ્મારકના ઉદ્ઘાટન દરમિયાન ગાવસ્કરે કાંબલીને મદદ કરવાનું વચન આપ્યું હતું. હવે, આ દિગ્ગજ બેટ્સમેનએ આખરે પોતાનું વચન પૂર્ણ કર્યું છે, કારણ કે કાંબલીને ગાવસ્કર તરફથી માસિક સહાય મળવાની તૈયારી છે.

બધા જ સમાચાર અને અપડેટ્સ મેળવવા માટે પ્લે સ્ટોર/ એપ સ્ટોર પર જઈને અથવા આ લાઈન પર ક્લિક કરીને ડાઉનલોડ કરો અમારી લેટેસ્ટ એપ