વિનેશ ફોગાટે એશિયન ગેમ્સમાં ઇતિહાસ રચતા સ્વર્ણ પદક જીતવાવાળી પહેલી ભારતીય મહિલા રેસલર બની ગઇ છે. ફાઇનલમાં જોરદાર પ્રદર્શન કરતા ઇન્ડોનેશિયામાં ચાલી રહેલા એશિયન ગેમ્સમાં ભારતને ત્રીજુ સુવર્ણ પદક અપાવ્યું હતુ. વિનેશ મહિલા વર્ગના 50 કિલો ફ્રીસ્ટાઇલ સ્પર્ધાના ફાઇનલમાં જાપનીઝ મહિલા રેસલરને ધૂળ ચડાડી હતી.
હાલમાં ચાલી રહેલી એશિયન ગેમ્સમાં બજરંગ પુનિયા પછી ભારત માટે બીજો ગોલ્ડ છે. વિનેશે વર્ષ 2014માં દક્ષિણ કોરિયાના ઇંચિયોન ખાતે 48 કિગ્રા ફ્રિસ્ટાઇલ સ્પર્ધામાં દેશને કાંસ્ય પદક અપવાવ્યો હતો. ત્યારે આ વખતે ગોલ્ડ જીતવામાં સફળ રહી હતી અને આ સાથે જ આ વખતે કુલ મળીને ભારતના ખાતામાં 5 મેડલ આવી ગયા છે.
એશિયન ગેમ્સમાં બીજા દિવસે 50 કિગ્રા ફ્રિસ્ટાઇલમાં જાપાનની યુકી ઇરીને 6-2થી હાર આપીને પહેલીવખત એશિયન ગેમ્સમાં સ્વર્ણ પદક મેળવ્યો. ભારતની વિનેશ ગેમના પહેલા જ રાઉન્ડમાં 4 અંક મેળવી પોતાની પ્રતિસ્પર્ધી પર દબાણ બનાવ્યું હતુ. બીજા રાઉન્ડમાં જબરજસ્ત ડિફેન્સ સાથે વિનેશે પોતાને આગળ જ રાખવામાં સફળતા મળી અને રાઉન્ડમાં અંતિમ 30 સેકન્ડમાં બીજા 2 અંકમાં પોતાના ખાતે નોંઘાવી ઇતિહાસિક જીત મેળવી હતી.