ધર્મ / આજે વિનાયક ચતુર્થી, જીવનનાં દરેક સંકટથી મુક્તિ મેળવવા માટે આ રીતે કરો ગણેશજીની પૂજા, સુખનાં દ્વાર ઊઘડી જશે

• આજે છે અષાઢ મહિનાની વિનાયક ચતુર્થી
• ॐ गं गणपतये नमः મંત્રનો 27 વખત જાપ કરો. 
• વિનાયક ચતુર્થી પર ચંદ્રના દર્શન અશુભ માનવામાં આવે છે.

દર મહિનાની જેમ જ અષાઢ મહિનામાં જે ચતુર્થી તિથી આવે છે તેને વિનાયક ચતુર્થી કહેવામાં આવે છે. આ દિવસે ભગવાન ગણેશની પૂજા કરવામાં આવે છે. જો કે એવું માનવામાં આવે છે કે એ દિવસે ભગવાન ગણેશની સાચા માંથી પૂજા કરવામાં આવે તેને ઇચ્છિત ફળની પ્રાપ્તિ થાય છે. અષાઢ મહિનાની ચતુર્થી 3 જુલાઇના એટલે કે આજે છે.

હિંદુ કેલેન્ડર અનુસાર અષાઢ મહિનાના શુક્લ પક્ષની ચતુર્થી તિથિનો પ્રારંભ 02 જુલાઈ, શનિવારે બપોરે 03.16 વાગ્યા સુધી રહેશે અને તારીખ 03 જુલાઈ રવિવારની સાંજે 05.06 વાગ્યા સુધી સમાપ્ત થશે. આ દિવસે ગણપતિની પૂજાનું શુભ મુહૂર્ત રાત્રે 11.02 વાગ્યાથી શરૂ થઈને 01.49 વાગ્યા સુધી ચાલશે. આ દિવસે અશુભ સમયમાં કોઈ પણ શુભ કાર્ય શરૂ ન કરવું જોઈએ. આ દિવસે રાહુકાલનો સમય સાંજે 05:39 થી 07:23 સુધીનો છે.જો કે વિનાયક ચતુર્થી રવિવારે આવી હોવાથી આ દિવસે બે શુભ યોગ બની રહ્યા છે. એક રવિ યોગ જે સવારે 5:28 થી 6.30 સુધી અને સિદ્ધિ યોગ બપોરે 12.07 થી આખી રાત ચાલશે. એવું માનવામાં આવે છે કે આ યોગમાં તમામ કાર્યોમાં સફળતા મળે છે. આ દિવસે શુભ સમય બપોરે 11.57 થી 12.53 સુધીનો છે. માન્યતા છે કે આ દિવસે ગણેશ પૂજા બપોર સુધી પૂર્ણ કરી લેવી જોઈએ. કારણ કે વિનાયક ચતુર્થી પર ચંદ્રના દર્શન અશુભ માનવામાં આવે છે. 

આ દિવસે સવારે વહેલા ઊઠીને બ્રહ્મ મૂહર્તમાં સ્નાન કરીને ગણેશજીની શુભ મુહૂર્ત પ્રમાણે પૂજા કરો. આ માટે ગણેશજીની બાજોટ પર સ્થાપિત કરીને તેમનો જલાભિષેક કરો. ગેણેશજીને ચંદનનું તિલક લગાવો, વસ્ત્ર, કુમકુમ, ધૂપ, દીવો,  લાલ ફૂલ, અક્ષત, સોપારી વગેરે ચઢાવો. આ સાથે જ ॐ गं गणपतये नमः મંત્રનો 27 વખત જાપ કરો. 

જ્યોતિષ શાસ્ત્ર અનુસાર પૂજામાં ધરોનો ઉપયોગ અવશ્ય કરવો જોઈએ. એવું માનવામાં આવે છે કે ગણેશજીને ધરો ખૂબ જ પ્રિય છે. પૂજા કર્યા પછી ગણેશજીને મોદક અથવા મોતીચુરના લાડુ ચઢાવો. ગણેશ ચાલીસા અને વિનાયક ચતુર્થી વ્રત કથાનો પાઠ કરો. આ રીતે પૂજા કરવાથી તમારી બધી મનોકામનાઓ પૂર્ણ થશે.