ઝારખંડના એક ગામના લોકોએ કોરોના વાયરસના સંક્રમણથી બચવા માટે એક અનોખી રીત શોધી કાઢી છે. મુસ્લિમ સમુદાયના જામતાડાના નાલા પ્રખંડનાં કાસ્તા ગામમાં મહિલાઓને બાદ કરતા તમામ લોકોએ મુંડન કરાવ્યું છે. બાળકો, યુવાનોથી માંડી વૃદ્ધોએ કોરોનાને લીધે મુંડન કરાવ્યું છે.
કોરોનાના સંક્રમણથી બચવા માટે આખા ગામે મુંડન કરાવ્યું
બ્લેડ લઈને ગામજનોએ એકબીજાનું મુંડન કર્યુ
ડૉક્ટરોએ આ આઈડિયાને યોગ્ય ગણાવ્યો
ઉલ્લેખનીય છે કે કોરોના વાયરસથી બચવા માટે આ મુસ્લિમ સમુદાયના ગામમાં તમામ પુરુષોએ બ્લેડ દ્વારા ગામમાં એકબીજાની મદદથી મુંડન કર્યુ છે. તેમનું માનવું છે કે સલૂન કે પાર્લરમાં જવાથી કોરોના વાયરસ ફેલાવાની શક્યતા હોય છે.
સલુનમાં ઉપયોગમાં લેવામાં આવનાર કપડા તથા વાણંદ દ્વારા ઉપયોગમાં લેવાતા અસ્તરા, ખુરશી અને અન્ય સામાનોથી કોરોના વાયરસ ફેલાઈ શકે છે. આ બાબતે ધ્યાનમાં રાખીને ગામજનોએ નિર્ણય લીધો કે કોરોના વાયરસની ચેન તોડવી છે. જેથી તેમને પોતાનું મુંડન પોતાના જ પરિવારના સભ્ય કે નજીકની વ્યક્તિ પાસે કરાવી દીધુ. ગ્રામજનોનું કહેવું છે કે લોકડાઉન રહેશે ત્યાં સુધી એકબીજાના સહયોગથી મુંડન કરતા રહીશું. લોકડાઉનમાં વાણંદ પાસે કે પાર્લરમાં નહીં જઈએ.
ગ્રામીણો દ્વારા ઘરે જ વાળ કાપવાના આઈડિયાને ડૉક્ટરોએ યોગ્ય ગણાવ્યુ છે. ડૉક્ટર અરવિંદ દાસનું કહેવુ છે કે ,‘સલૂનમા ઉપયોગમાં લેવામાં આવનારી વસ્તુ જેમ કે ટોવેલ, અસ્તરા તતા અન્ય સામાન અનેક લોકોમાં વપરાય છે. જેના કારણે સંક્રમણની શક્યતા વધી જાય છે. આવા સમયે સલૂનમાં જવું ખરતા ભરેલુ છે. જેથી સલૂન કે પાર્લરમાં જવાથી બચવું જોઈએ.