જલાનગરના સરપંચ પદે કૌશિક પરમારનો 1 મતે થયો છે વિજય, સરપંચ પદના ઉમેદવારને 3 મતનો ફાયદો કરાવ્યાનો આક્ષેપ
જલાનગરના ગ્રામજનોનો હોબાળો
મામલતદાર કચેરીએ કર્યો હોબાળો
વિજેતા સરપંચને ફાયદો કરાવ્યાનો આક્ષેપ
ગ્રામપંચાયતોની ચૂંટણીના પરિણામો બાદ આક્ષેપની શરૂઆત થઇ છે. ખેડા જિલ્લાના ઠાસરા તાલુકાના જલાગનર ગામના ગ્રામજનો દ્વારા મામલતદાર કચેરીએ હોબાળો કરવામાં આવ્યો છે. ગ્રામજનો દ્વારા સરપંચના વિજેતા ઉમેદવાર કૌશિક પરમારને 3 મતનો ફાયદો કરાવ્યાનો આક્ષેપ કરવામાં આવ્યો છે. જલાનગરના સરપંચપદે કૌશિક પરમારનો 1 મતે વિજય થયો છે. કૌશિક પરમારના પિતા ભાજપના તાલુકા પ્રમુખ હોવાથી ફાયદો કરાવ્યો હોવાનો આક્ષેપ કરવામાં આવ્યો છે. ગ્રામજનો દ્વારા ઠાસરા મામલતદાર અને TDOને લેખિત રજૂઆત કરવામાં આવી છે.
જલાનગરના સરપંચ પદે કૌશિક પરમારનો 1 મતે થયો છે વિજય
કૌશિક પરમારના પિતા તાલુકા ભાજપ પ્રમુખ હોવાથી ફાયદો કરાવ્યાનો આક્ષેપ
ઠાસરા મામલતદાર - TDOને કરાઇ લેખિત રજૂઆત
ચૂંટણી પરિણામ બાદ આજે 3 જગ્યાએ થઈ મારઝૂડ
રાજ્યમાં સરપંચની ચૂંટણી બાદ મારઝૂડ, પ્રપંચ સહિતની ઘટનાઓ સામે આવી છે. જેમાં વધારે બબાલ હારેલા ઉમેદવારોએ કરી છે. સુરતના દેવધ ગામ ખાતે ગ્રામ પંચાયતમાં મારામારી થઇ હતી. તો દહેગામના જીંડવા ગામે હારેલા ઉમેદવારના સમર્થકોએ ખેતરમાં ઉભા પાકને કાપી નાખ્યો હતો. તો જામકંડોરણા પંથકના ચિત્રાવડમાં જીતની ખુશીમાં ઢોલીને પીવડાવ્યો દારૂ પીવડાવવામાં આવ્યો હતો. આ ઉપરાંત ખુલ્લેઆમ દારૂનું વિતરણ કરવામાં આવ્યું હતું. સુરતના દેવધ ગામે એક ચોકક્કસ સમાજના લોકોએ હુમલો કરી મહિલાની ગાડીમાં તોડફોડ કરી હતી. આ કોઇપણ વાયરલ વીડિયોનું VTV પુષ્ટિ કરતું નથી. આ પ્રકારના હોબાળાના કારણે લોકોમાં ભયનો માહોલ જોવા મળ્યો છે.