અનરાધાર વરસાદને લઇને બનાસકાંઠાના ડેડવા ગામે ઊંચાણવાળા રોડને લીધે ગામમાં પાણી ભરાતા લોકોએ રોડ તોડી નાખ્યો હતો.
બનાસકાંઠાના ડેડવા ગામે પાણી ભરાઇ જતાં મુખ્ય રસ્તો તોડાયો
ગામમાં પાણી ભરાતા ગામલોકોએ રોડ તોડ્યો
રોડના કારણે પાણી ગામના વિસ્તારોમાં ભરાયા હતા
હવામાન વિભાગ દ્વારા કરવામાં આવેલી વરસાદની આગાહીને લઇને છેલ્લા બે દિવસથી બનાસકાંઠા જિલ્લામાં કયાક અનરાધાર તો કયાક છૂટો છવાયો વરસાદ થઇ રહ્યો છે. જેને પગલે બનાસકાંઠાના અનેક ગામડાઓ જળમગ્ન થયા છે. તેવામાં જિલ્લાના ડેડવા ગામે વરસાદી પાણીનો ભરાવો થતાં મુખ્ય રસ્તાને તોડવાની નોબત આવી હતી. જેથી ગ્રામજનોએ એકઠા થઇ જેસીબી મારફતે રસ્તો તોડાવ્યો હતો.
બનાસકાંઠાના ડેડવા ગામે પાણી ભરાઇ જતાં મુખ્ય રસ્તો તોડાયો
બનાસકાંઠામાં અવકાશી આફતને લઈને ડેડવા ગામે વરસાદી પાણી ભરાયા હતા. ઊંચા રોડને લઈને ગામમાં પાણી ભરાયા હતા. તંત્ર દ્વારા રોડ બનાવવા સમયે ઊંચાણવાળા વિસ્તારમાં રોડ બનાવી નાખતા વરસાદી પાણી ભરાવાની ઉપાધિ જન્મી હતી. રસ્તાને લઇને ભરાયેલા પાણી લોકોના ઘરમાં ઘૂસે તેમ હોવાથી ગામના લોકોએ તાત્કાલિક પાણીનો નિકાલ કરવા રોડને તોડી નાખ્યો હતો. આમ તંત્ર દ્વારા આડેધડ રોડ બનાવી નાખવામાં આવ્યા બાદ ગ્રામલોકોએ તોડી નાખતા પ્રજાના પૈસાનો વેડફાટ થઇ રહ્યો હોય તેવો ઘાટ સર્જાયો છે.
વાવ ભાભર હાઇવે પર પણ પાણી ભરાયા હતા
નોંધનિય છે કે ગઇકાલે મેઘરાજાની તોફાની બેટિંગને કારણે બનાસકાંઠાના વાવ ભાભર હાઇવે પર પણ પાણી ભરાયા હતા.મેઇન હાઈવે પર પાણી ભરાતા નાના વાહનો પાણી વચ્ચે જ બંધ થઈ જતા લોકોનેહેરાનગતિ થઈ હતી. તો બીજી બાજુ દેથલી અને ડોડાણા જેવા ગામડાઓને જોડતા રસ્તા પર બેથી ત્રણ ફૂટ જેટલા પાણી ભરાતા આ રોડ બંધ થઈ જવા પામ્યો હતો. એક ગામથી બીજા ગામે જવા માટે હવે બીજું કોઈ રસ્તો ન હોવાના કારણે અને ત્યાંથી સાધન પસાર નહીં થવા ના કારણે ગામ લોકો મુશ્કેલીમાં મુકાયા હતા.