વિક્રમ મેસ્સીએ પણ યામીને અભિનંદન પાઠવ્યા હતા અને લખ્યું હતું કે રાધેમા જેવી પવિત્ર લાગે છે. આ કમેન્ટ વાંચીને કંગના રણૌતે વિક્રમને જવાબ આપી દીધો હતો. કંગનાએ લખ્યું ક્યાંથી નીકળ્યો આ કોક્રોચ, લાવો મારી ચપ્પલ. આ કમેન્ટ પર લોકો ખૂબ કમેન્ટ કરી રહ્યા છે. કેટલાક લોકો કંગનાને ટ્રોલ પણ કરી રહ્યાં છે.
સેલેબ્સે આપી શુભકામનાઓ
યામીની તસવીર પર ઘણી સેલેબ્સે કમેન્ટ કરી અને કપલને શુભકામનાઓ આપી હતી. યામીને કંગનાએ કહ્યું કે, હિમાચલી દુલ્હન સૌથી સુંદર, દેવીની જેમ પવિત્ર.
આ કપલના મહેંદી અને હલ્દી સેરેમનીના ફોટોઝ હાલ સોશિયલ મીડિયામાં વાઈરલ થઈ રહ્યા છે. પીળા રંગના આઉટફિટમાં યામી સુંદર લાગી રહી છે. સાથે જ યામી તસવીરમાં પોતાના કલીરા ફ્લોન્ટ કરતી પણ જોવા મળી રહી છે. તમને જણાવી દઈએ કે, યામીએ પહેલાં મહેંદી સેરેમનીની તસવીરો શેર કરી હતી. ત્યારે યામીના હાથમાં ખૂબ જ સુંદર મહેંદી લાગેલી હતી.
ઇન્સ્ટાગ્રામ પર શૅર કરી તસવીર
યામીએ પોતાના લગ્નની તસવીર ઇન્સ્ટાગ્રામ પર પોસ્ટ કરી છે અને તેમાં યામીએ લાલ કલરનું પાનેતર પહેર્યુ છે. આદિત્યએ ક્રિમ કલરની શેરવાની અને પાઘડી પહેરી છે. બંને એકબીજા સામે જોઇને સ્મિત આપી રહ્યાં છે.
યામીએ આપ્યુ શાનદાર કેપ્શન
લગ્નની તસવીર શૅર કરતા યામીએ કહ્યું કે, તારી રોશની સાથે મે પ્રેમ કરતા શીખ્યુ, આપણા પરિવારના આશીર્વાદ સાથે લગ્ન કરી લીધા. આપણે પ્રાઇવેટ લોકો છીએ માટે લગ્ન પરિવારની હાજરીમાં જ કર્યા અને પ્રેમ અને દોસ્તીની આ મુસાફરીની શરૂઆત તમારા આશીર્વાદ સાથે કરવા ઇચ્છીએ છીએ.
ફેન્સને લાગ્યો ઝટકો
યામી અને આદિત્યના લગ્નથી ફેન્સને મોટો ઝટકો લાગ્યો છે. અચાનક આ રીતે લગ્ન કરી લેવાથી સેલેબ્સ પણ થોડા હેરાન છે અને લોકો તેને અભિનંદન પાઠવી રહ્યાં છે.