મનોરંજન / 'વિક્રમ વેધા'ની એક્શન કોઈ ભોજપુરી ફિલ્મથી પણ વધુ ખરાબ..' કેઆરકે ફિલ્મ રિવ્યુના નામે કર્યો કટાક્ષ

• ફિલ્મ 'વિક્રમ વેધા' તમિલ ફિલ્મની રિમેક
• ફર્સ્ટ હાફમાં આપણા હૃતિક રોશન અમિતાભ બચ્ચનની નકલ કરે છે 
• આ ફિલ્મ ત્રણ કલાકના ટૉર્ચરથી ઓછી નથી.   

ફિલ્મ ક્રિટિક કે આર કે એટલે કે કમાલ આર.ખાન પોતાના ટ્વીટ્સને લઈને હંમેશા ચર્ચાઓમાં રહે છે. જો કે પોતાના ટ્વીટને કારણે ઘણી વખત મુશ્કેલીમાં પણ મુકાય જાય છે. હાલમાં જ KRKએ એલાન કર્યું હતું કે તેઓ ફિલ્મ રીવ્યૂ કરવાનું છોડી દેશે પણ છેલ્લી વખત ઋતિક રોશન અને સૈફ અલી ખાનની ફિલ્મ વિક્રમ વેધાનો રીવ્યૂ કરશે.એ મુજબ જ એમને હાલમાં જ ફિલ્મ 'વિક્રમ વેધા' પર પોતાની પ્રતિક્રિયા આપતા ટ્વિટ કર્યું હતું. જણાવી દઈએ કે હૃતિક રોશન અને સૈફ અલી ખાન સ્ટારર આ ફિલ્મ 2017માં આવેલ એક તમિલ ફિલ્મની રિમેક છે. ચાલો જાણીએ કે કેઆરકેએ પોતાના ટ્વિટમાં શું કહ્યું...

My friends watched #VikramVedha! @iHrithik is copying #AmitabhBachchan in first half n #AlluArjun in 2nd half. In the climax #Hrithik and #Saif both together are firing bullets in the air for 15minutes. Action is worst than Bhojpuri films. Means It’s outdated and 3hours torture.

— KRK (@kamaalrkhan) September 29, 2022

વિક્રમ વેધા ત્રણ કલાકનું ટૉર્ચર
આજે કરેલ ટ્વિટમાં કેઆરકે એ લખ્યું હતું કે, ' મારા મિત્રોએ વિક્રમ વેધા જોઈ. ફિલ્મના ફર્સ્ટ હાફમાં આપણા હૃતિક રોશન અમિતાભ બચ્ચનની નકલ કરતો જોવા મળે છે અને બીજા હાફમાં અલ્લુ અર્જુનની નકલ કરે છે. ક્લાઈમેક્સ સીનમાં બંને એક્ટર 15 મિનિટ સુધી હવામાં ફાયરિંગ કરી રહ્યા છે અને આ ફિલ્મનું એક્શન કોઈ ભોજપુરી ફિલ્મથી પણ વધુ ખરાબ છે. આ ફિલ્મ ત્રણ કલાકના ટૉર્ચરથી ઓછી નથી.   
 
વિક્રમ વેધા બાદ નહીં કરે રીવ્યૂ 
KRK એ તાજેતરમાં જ ટ્વીટ કરીને જણાવ્યું છે કે વિક્રમ વેધા છેલ્લી ફિલ્મ હશે, જેનો તે રીવ્યૂ કરશે. તેમણે ટ્વીટ કરીને કહ્યું હતું કે મારા પાસે માત્ર બે વિકલ્પ હતા. પહેલો કે હું મુંબઈ છોડી દઉં અને બીજો કે હું ફિલ્મ રીવ્યૂ કરવાનું બંધ કરી દઉં. તો મેં બીજો ઓપ્શન પસંદ કર્યો છે, કેમકે બોલીવુડનાં લોકો પાસે મારી વિરુદ્ધ કેસ કરવા માટે મુંબઈમાં ઘણો પોલીટીકલ સપોર્ટ છે. KRKએ તાજેતરમાં જ ટ્વીટ કરીને ફેન્સને આ વિશે જણાવ્યું છે. તેમણે ટ્વીટ કર્યું : આ ફાઈનલ અને કન્ફર્મ છે, હું ઓફિશિયલી RSS જોઈન કરવા માટે નાગપુર જઈશ.