વિક્રમ ઠાકોર એક એવુ નામ જેણે ગુજરાતી ફિલ્મ ઇન્ડસ્ટ્રીમાં અલગ ઓળખાણ બનાવી છે. એક સિંગર તરીકે પદાર્પણ કરનાર વિક્રમે એક્ટિંગનો હાથ પકડીને રેકોર્ડ તોડી નાંખ્યા અને દરેકના દિલમાં પોતાનુ આગવુ સ્થાન બનાવી લીધુ છે.
વાંસળી વગાડતો હતો વિક્રમ
ગાંધીનગરમાં રહે છે એક્ટર
ફિલ્મોમાં સક્રિય છે વિક્રમ
રાધા અને વિક્રમની જોડી એટલી તો ફેમસ થઇ કે લોકો વિક્રમની કો સ્ટારને ઓફ સ્ક્રિન પણ રાધા કહીને જ સંબોધવા લાગ્યા હતા. વિક્રમ અને એના વાંસળીના સૂર બંને દર્શકોના મન પર ઉંડી છાપ છોડી જાય છે.
લાખો દિલ પર રાજ કરનાર વિક્રમ વૈભવી લાઇફસ્ટાઇલ જીવે છે. તે ગાંધીનગરમાં રહે છે અને ઘણો જ ડાઉન ટુ અર્થ છે.
વિક્રમનો પરિવાર
વિક્રમ ઠાકોર ઓન સ્ક્રિન ઘણી યુવતીઓ સાથે પ્રણયના દ્રશ્યો ભજવી ચૂક્યો છે પણ ઓફ સ્ક્રિન તે પરણિત છે અને તેમની પત્નીનું નામ તારા છે.
વિક્રમની દીકરીનુ નામ પૂજા ઠાકોર અને દિકરાનુ નામ મિલન ઠાકોર છે.
વિક્રમની ફિલ્મી શરૂઆત
દસ વર્ષની વયથી તેઓ તેમના પિતા મેલાજી ઠાકોર સાથે રંગમંચ ઉપર વાંસળી વગાડવા જતા હતા. તેમના પિતા સંતવાણી અને ભજનના ગાયક હતા. વીસ વર્ષની વયે તેમણે રંગમંચ પરથી એકલા કાર્યક્રમો આપવાના શરુ કર્યા. શરૂઆતમાં તેઓ ફિલ્મ ક્ષેત્રે આવવા નહોતા ઈચ્છતા, પરંતુ ૨૦૦૬માં દિગ્દર્શકના કહેવાથી એકવાર પિયુને મળવા આવજે ફિલ્મ કરી જે સફળ રહી.
ત્યારથી તેમણે ઘણી ગુજરાતી ફિલ્મોમાં અભિનય કર્યો જે મોટે ભાગે ગ્રામ્ય દર્શકોને ધ્યાનમાં રાખીને બનાવવામાં આવેલી હોય છે. તેમણે સળંગ આઠ સફળ ફિલ્મો આપી છે.
આજે વિક્રમ ઠાકોર ગાંધીનગરમાં એક ભવ્ય મકાનમાં રહે છે અને વૈભવશાળી જીવન વ્યતિત કરે છે.